TVB劇集＜踩過界》昨晚結局，有指國內版中慘死的Never（李佳芯Ali飾）會於香港版中“翻生”。
日前播出的結局最後同樣出現Never「翻生」的畫面，一模一樣，不知所指的不同在何處？可能這個「翻生」版本原本是留給香港版，卻提早在內地曝光。
Ali昨晚在IG發文解畫自己是否復活：「落幕了、燈關了，又一個完結了。我不能像舞台演員，每次落幕前可以走出來謝幕，但可以kiss goodbye~別人問：Never有沒有死？我答：Never 沒有死。因她會繼續活在人們心中，感謝曾經喜歡、一點喜歡及喜歡Never的每一位。至於Ali… 繼續努力！」
（INSTAGRAM）
夏季流感奪去不少成人及兒童的生命。一項調查於今年6月至7月，訪問香港68間小學共7955名小學生，結果發現，有超過40%學生表示過去一年曾患流感，當中9.8%曾患4次或以上。而超過70%的小學生懂得以洗手等方法預防流感，69%亦知道注射流感疫苗針可預防流感。
家長顧太表示，其就讀小五的女兒今年曾2次出現流鼻水、發燒等流感徵狀，有一次更發燒達39度，並出現嘔吐，病了4天才康復，當時不知道是流感。她直言，沒有帶女兒注射流感針是因有錯誤觀念，認為注射後會出現副作用，對疫苗沒有信心，加上認為女兒健康，沒有需要打針。顧太稱，女兒的學校無特別講解流感病徵，只提醒學童「打乞嗤要洗手、咳就要戴口罩」，認為有必要在電視、網絡上多宣傳流感的嚴重性。
家庭醫生林永和表示，「流感一次都嫌多」，估計有小學生是患上普通感冒而非流感。他認為，校園環境擠迫，學童抵抗力較成人弱，故流感容易「一個傳一個」，令病毒在校內擴散。根據衞生防護中心數字，多宗兒童感染個案中，有90%沒注射疫苗，他估計部分家長或想替子女注射但沒時間，建議校方及政府可安排到校為學童注射疫苗，「成班同學仔打無咁驚，拒絕都少啲」。
(東方日報)
1988年亞姐亞軍曾小燕接受奇妙電視訪問，講到當年參選期間因被偷拍露毛照而名噪一時。
小燕說：「着旗袍係要顯現身形美態，我唔想內褲摺痕令自己失色，所以真空上陣，點知咁啱有陣風吹起件旗袍，又畀傳媒影咗相仲做埋封面，真係轟動一時！」
「知名度係提高咗，但有邊個女仔希望用私隱去換取知名度，所以嗰段時間我真係好唔開心！」
提當年不雅事件的心路歷程，小燕坦言：「當時真係接受唔到，好唔開心，喊咗好耐，連街都唔想去，因為唔知點面對大眾眼光！」
小燕得到家人體諒，後來接拍艷情片，她的家人都給予以支持。
「條路係自己揀嘅，屋企人覺得我只要承擔到就得啦！況且嗰時影圈以拍性感戲為主，搵我拍嘅戲來來去去都係嗰啲，拍得多自己都覺得發揮唔大，最後選擇離開！係咪心灰意冷？絕對係啦！」
小燕淡出娛圈後定居澳門，並任職於賭場。
(on.cc 東網)
藝人翁虹（Ewong）昨日49歲生日，靚仔老公Will特地帶女兒「小水晶」從台灣來港為老婆開神秘派對，期間翁虹更表示有「大事」宣布。。。
藝人翁虹（Ewong）昨日49歲生日，她的靚仔老公Will特地帶女兒「小水晶」從台灣來港為老婆開神秘派對，並請來一班藝人好友陳浩民、劉玉婷、陳少霞、黃麗梅等出席，壽星女開心得忍不住眼濕濕，並徇眾要求與老公咀嘴！席間Ewong表示有「大事」宣布，大家即異口同聲問她是否「有咗」，十分搞笑，其實她預告下年「入五」兼入行30年，屆時要大事慶祝。
老公被邀幕前演出
問到會否應要求生多個？Ewong即笑言：「順其自然啦，最主要都係睇個天，如果畀嘅話會好感恩，依家都好滿足㗎喇，但湊到個『好』字就最好！」又說年齡只是數字：「我要顛覆一般傳統對年紀嘅印象！」提到任職營養師的老公Will激似韓流巨星孔劉，Ewong表示之前有片商向她打探，想找Will出道作幕前演出：「好多謝賞識，但老公喺呢方面冇興趣，佢覺得做演員好神聖，鍾意做觀眾多啲。」
陳浩民撐好友再生
帶同蔣麗莎及四個仔女到場的陳浩民，力撐好友「生多件」：「如果『入五』整多件係紀錄嚟，同埋佢哋屋企太大喇，又有泳池，成日話屋企得三個人叫我哋嚟玩會冇咁悶。」
(東方日報)
葉翠翠（Tracy）到將軍澳出席簽約儀式，老公周曉東更帶同五個月大的兒子周津羲（Jake）到場。
翠翠透露大部份時間都是老公照顧囝囝。
「佢返工就係我湊，印傭返咗鄉下。我請佢之前佢講明唔鍾意小朋友，嗰時我仲未懷孕，所以佢依家都唔湊囝囝。有時佢唔瞓要同佢玩。」
講到囝囝名字的由來，她表示老公搵了改名師傅提議要有多少筆劃：「佢查咗成日，查咗10個8個，畀我同老爺奶奶揀。」
她謂囝囝現時有23、24磅，更指囝囝試過厭奶幾日後，反而愈食愈多。
問到會否再努力「追人」，她笑言想生豬B：「我、老公同囝囝都係雞年，已經有三隻雞。雞同豬會夾啲，可能等到豬年年尾。」
提到老公與囝囝以「父子裝」陪同她到場，翠翠笑說：「佢成日都話唔好幫佢買，話要同囝囝配搭。」
(on.cc 東網)
范冰冰36歲生日，男友李晨求婚成功！之後，網上流出咗疑似李晨求婚現場相，場地以粉色系做主打，勁夢幻又有少女風！
現場又布置咗勁多花花，真係浪漫到暈！
冰冰生日，蛋糕當然唔少得，相中所見現場至少有八個蛋糕，而且啲蛋糕都好有心思，其中四個蛋糕以冰冰愛貓造型而設計，真係冧爆！
冰冰屋企人都喺現場作見證，仲「一家人」齊齊合照添。
有指李晨早於一年前已經託俄羅斯藝術家Marina Bychkova訂造新娘娃娃。
起初其實藝術家並唔接受李晨要求，不過李晨冇放棄過，用E-mail同藝術家聯絡咗四個月，期間仲畀埋冰冰嘅相同埋影片，兼講埋佢兩個嘅愛情故事，終於打動對方！
最終李晨花費30萬美金（約230萬港元）打造全亞洲第一個、用冰冰個樣做嘅專屬新娘娃娃！
（on.cc 東網）
王祖藍、郭晉安及岑麗香等到葵盛一間中學宣傳無綫新劇《老表，畢業喇！》。
王祖藍新劇《老表，畢業喇！》以教育作題材。
祖藍說：「好多人都問我幾時生、邊度生，講到喺香港讀書充滿陷阱咁，外母都有問我，仲話不如去溫哥華生。」
「因為李亞男都係喺嗰邊讀書，呢段時間我不斷向包括郭晉安在內嘅家長們收風，但仲未決定幾時，真係殺到埋身先至算！」
對於范冰冰接受李晨求婚，祖藍稱是「雙喜臨門」，他說：「今朝早恭喜咗佢，可以話雙喜臨門！」
(on.cc 東網)
今日44歲正日生日嘅蔡少芬，早幾日兩個囡囡張楚兒(湯圓)同張信兒(包子)因為發高燒，搞到媽咪擔心又疼心。
依家囡囡已經好番晒，喺大陸拍緊戲嘅老公張晉，又專登落嚟香港陪老婆慶祝生日，壽星女當然開心。
啱啱蔡少芬就喺微博貼相，有一家四口錫錫相，仲有蔡少芬一班好朋友，洪欣同老公張丹峰、朱茵、陳法蓉、經理人為佢慶祝生日。
蔡少芬就留言同自己講：「蔡少芬，我祝福你，又大一歲，感恩有家人愛，朋友愛，粉絲愛！，美麗。。內心外表！良善。。行為！能榮神益人！PS：愛你們啊！」
陳法蓉亦有轉貼老友Po，搞笑留言祝佢「福如東海！壽比南山！」
(蘋果日報)
藝人陳國邦與女兒陳禛為奇妙節目《冇大冇細》錄影，首次孖住囡囡做主持的他，表示兩年前太太羅敏莊曾帶同陳禛拍節目，由於陳禛僅得兩歲多，故過程間經常出現真性情，如發脾氣及哭泣。
但現時女兒已長大，亦累積不少演出經驗，懂得控制情緒，更謂：「頭先同佢講定一陣會問佢問題，跟住陳禛喺耳邊問我使唔使Rehearsal一次，好搞笑。」
陳國邦表示，甚少機會自己一個帶埋阿女出街，多數都係一家人行動，而於訪問期間，陳禛不時整蠱作怪，又扮鬼臉，非常可愛，問到喜歡跟爸爸還是媽媽去玩？陳禛非常醒目謂：「我想爸爸、媽咪一齊去西貢同我打鞦韆。」
陳國邦話阿女雖然有表演慾，但係都需要慎重考慮先至會俾佢加入娛樂圈：「生活節目可以，但演戲就未必，爸爸係演戲，媽媽唱歌，我哋唔係一般家長，因為我哋知道工作環境，我驚我對演出水平嘅要求比導演仲高，相信唱歌較容易實踐。」
(on.cc東網/蘋果日報)
陳琪與大女胡芷苓（Jay Jay）齊齊參加親子三公里賽跑。
自認零運動細胞的她笑指比賽前一晚囡囡已經向她訓話：「佢覺得我一定跑得慢，叫我一定要畀心機，好唔明白點解唔係爸爸陪佢跑，話爸爸陪就可以贏，但我同佢講，賽跑係志在參與，唔一定要贏。」
她又笑指好跑得的老公胡諾言聽到囡囡向她訓話時加多把口：「佢話我800米行得晒已經好叻，成家都睇小我！」
問最後跑第幾，她即笑謂：「後面數番上嚟嗰啲名次就有，不過我依家同老公距離近咗，以前係42公里，我跑到三公里，依家得番39公里，拉近咗距離。」
（on.cc 東網）
