誰說V煞臉才會紅？一名叫「小剛幾」的兩歲小女孩，因為她的母親常說她是「屁股臉」，將她有趣、可愛的表情全部放到微博上，也許小剛幾還不懂上網，但她已經有90萬粉絲，算是網上紅人。
小剛幾來自內蒙古，她一張大肉肉臉是她的招牌，她媽媽拍攝的照片，有部份角度更如同漫畫《蠟筆小新》的側面一模一樣，她的母親她的「屁股臉女兒」，「堪比女版蠟筆小新」，不少網民都覺得這名女BB實在太可愛，在網上做她的粉絲。
新浪微博 / Apple Daily
英國南威爾斯一名懷胎10月的孕婦，日前於分娩時出現「羊水栓塞」，導致心臟停頓。雖然經醫生搶救下她恢復心跳，更在她昏迷時順利接生，但她醒來後竟然失憶，只記得自己13歲前的記憶，令其未婚夫晴天霹靂。
22歲女子埃弗里特（Shannon Everett）本身已育有一女，她9月時在交往6年的未婚夫約安（Ioan）陪同下，在醫院再誕一名兒子，詎料回家時把約安當成陌生人。埃弗里特當日生產時心臟停頓，醫生搶救68分鐘後，她恢復心跳並順利生下兒子。但埃弗里特大腦嚴重受損，昏迷2周醒來後，忘記了自己的未婚夫與孩子，只有13歲以前的記憶，更能清楚說出當年的住址。
埃弗里特現時需接受物理治理，重新學習基本的自理能力。她對自己剛生產此事完全沒有印象，難以與新生的兒子建立關係。雖然埃弗里特喪失有關約安的記憶，但他未有離棄未婚妻，並希望能繼續與她走過餘生。
(東方日報)
平日婚禮上的結婚蛋糕多有數層，印尼首都雅加達一家餅店就決定「更上一層樓」，早前造出一個高達5米的結婚蛋糕，更把它運至150公里外的萬隆，為新人送上祝福。
餅店的負責人透露，本年初開始與該對新人一同構思結婚蛋糕的設計，最終決定以電影《布達佩斯大酒店》作為設計主題。蛋糕中有一個完全以糖製造的城堡，內有尖頂、教堂、小天使、花朵和護城河等，設計複雜精細。除了用以支撐蛋糕的金屬框架，蛋糕的每一部分都是由一個15人團隊，花上整個月人手製作，巧奪天工。
由於婚禮舉行的地方遠離餅店，他們要把蛋糕和所有裝飾，分開運至萬隆，再於婚禮埸地用6小時把它復原。而新人看到製成品後，亦非常滿意。
ON.CC
香港未來三日天氣回暖，最低氣溫均見2字頭，最高更達26度，不過周末氣溫又再微跌，最低溫再見1字頭，而廿四節氣「大雪」前夕(12月6日)會跌至最低17度，未知過後香港天氣會否進一步寒冷。
天文台表示，一股偏東氣流會在未來兩三日影響廣東沿岸，該區氣溫逐漸回升，預料另一股東北季候風將在周四(30日)抵達華南，天氣再度轉涼。
最新九天天氣預報，明日(28日)部分時間天色明朗，連續三日至周四均氣溫和暖，介乎20至26度，但暖意未能持續，周五(12月1日)及周六(12月2日)氣溫會急降至最低18度及17度，兼部分時間有陽光，清涼天氣最宜郊遊。至於下周三的「大雪」前夕會大致天晴，氣溫17至21度。
(東方日報)
馬國明出席商場聖誕揭幕活動，他憑劇集《降魔的》令人氣上升，問他有沒有加酬勞？他說不關事，強調沒加價好抵用，預計聖誕節在工作中度過。問他不用陪黃心穎嗎？他說心穎剛買樓也要搵錢，第一年與心穎過聖誕會準備禮物，雖然本身性格務實，但不可以完全沒情趣，特別日子會給對方驚喜。
馬明續透露明年2、3月才為無線拍劇 ，希望有機會與心穎一起去旅行。追問他是否承認戀情？他堅持說了解中，如心穎所說不結婚就分手。問他有沒有信心下一步與心穎結婚？他說真的不知道，不過心穎的性格易相處，暫未見過家長，看看新年有沒有機會互相拜年。
Headline Daily
藝人周麗淇（Niki）最近忙於拍攝劇集《再創世紀》，而呢日就有一位神秘嘉賓去到拍攝現場探Niki班，佢就係Niki家姐周汶錡（Kathy）嘅細仔Avner啦！Niki一見到Avner呢個小情人，就興奮到即刻抱起佢，仲搖吓搖吓咁氹佢開心！
而8個月大嘅Avner呢排學緊講嘢，所以一直「咿咿呀呀」咁叫，再加上佢呆呆哋咁嘅樣，真係超級可愛！唔少網民都大讚Avner得意，仲話Niki一見到佢就母愛洋溢添！
(東方日報)
有調查發現，近7成學童因坐姿不正確、長期低頭使用手機等，出現體態問題，更有學童僅4歲已出現高低膊和寒背。脊醫提醒，持久重複性的動作和缺乏運動，都會導致脊骨錯位，建議學童要經常轉換姿勢，及做護脊操等保護脊骨。
兒童脊科基金訪問了1,280位參與「賽馬會護脊社區推廣計劃」的家長，結果顯示，逾9成人認為不良姿勢會影響學童健康；近85%人認為自己懂得分辨子女不良姿勢；近65%人認為自己能幫助子女改善姿勢。另外，基金早前為1,392名學童分析體態，發現有近7成人出現寒背和高低膊。脊醫伍仲恒認為，雖然家長認為自己有能力改善子女不良姿勢，但仍有7成學童有體態問題，反映家長對學童錯誤姿勢的認知仍然不足。
家長對錯誤姿勢認知不足
5歲的琳琳於9月經檢查後發現有頭部前傾、高低膊及寒背問題。其母黃太指琳琳常在梳化彎腰看書，她多次提醒仍無改善。琳琳接受基金會10次免費脊骨治療，由脊醫教導正確坐姿後，黃太認為其問題有改善。
香港賽馬會慈善信託基金2014年推行為期3年的護脊推廣計劃，為3至16歲學童提供免費脊骨檢查及治療。有份參與的脊醫陳鎰生指，有學童僅4歲已出現高低膊和寒背等問題。他表示，因書包過重、長期低頭玩手機、缺乏運動等，令近年愈多愈多學童出現脊骨問題。
經濟日報 / 晴報
藝人車婉婉喺今年3月為中澳混血兒老公Jonathon生咗囝囝「BBQ」後，不時都喺網上分享囝囝生活點滴。早前婉婉就大爆囝囝食香蕉啃親，搞到婉婉都被嚇到喊，不過好彩最後囝囝都冇事，自己吞咗舊蕉！雖然成件事相當驚險，但人仔細細好快就已經忘記，呢日婉婉又喺社交網上載一段BBQ嘅食嘢片，BBQ食得相當滋味，舔晒脷呀！
經過上次事件後，婉婉餵囝囝食嘢都相當小心，片中見到BBQ一羹羹咁食，食到手舞足蹈，笑晒咁不知幾開心，簡直萌爆！大批網民都留言大讚「BBQ」仲識得擺出一個「天然呆」嘅樣，真係可愛到暈！有網民仲話雖然見唔到邊個餵緊「BBQ」，不過大家都估一定係婉婉嚟喇！
(東方日報)
大美人李嘉欣前幾日喺微博貼番佢同老公許晉亨喺08年結婚相，慶祝9周年結婚紀念，除咗重溫舊照，兩公婆原來喺結婚紀念日去咗東京過二人世界，日前有讀者郭先生發現李嘉欣同許晉亨喺明治神宮外苑睇銀杏葉，但就唔見佢哋囝囝Jayden。
當時大概中午12點，嘉欣着住件橙紅色大褸戴住黑超，亨亨就羽絨背心西褲打扮喺公園出現，相片入面見到嘉欣捧住一大堆銀杏葉，而亨亨就用手機幫老婆影靚相，之後輪到嘉欣拎自己部手機同老公selfie。讀者郭先生話佢哋兩公婆全程都好恩愛：「見到佢哋好恩愛，好甜蜜，由公園尾尾行到街頭，老公拖住老婆，去到中段許晉亨執地下銀杏葉畀李嘉欣揸喺手影相，見佢哋影得好開心。」睇返條片，嘉欣就已經拎住堆銀杏葉擺緊甫士，揸機嘅亨亨就好細心，要老婆行前行後、行右幾步避吓陽光，影完幾張，又再幫嘉欣整理兩邊頭髮再影過，一啲都唔hea，而嘉欣被老公影相，都份外笑得甜。
藝人陳國邦及羅敏莊（Mimi）到鴨脷洲為ViuTV拍攝劇集《VR驅魔人》，陳國邦說：「我哋對上一次夫妻檔拍劇，已經係十幾年前嘅事，而喺劇裏面扮演夫妻，今次係第一次添！ 以前拍劇我哋各自同其他演員演一對，有圈外朋友話睇唔慣，我都有同啲熟嘅監製講，如果搵我同Mimi同劇，一定要演一對，反正我哋一路以嚟都咁公開！」
拍劇要問阿女
Mimi則為此劇做了大量準備功夫，她說：「我同國邦唔只喺屋企為個劇排戲，我哋仲出動埋屋企人幫手，大家都知我屋企有個老闆（女兒陳禛），要我哋兩個同時拍劇，一定要過咗老闆嗰關，今日工人姐姐放假，我哋尋晚就已經安排咗老闆去佢婆婆度，等有人幫手睇住佢，如果唔係點搞得掂？」
國邦被問到早前被無綫游說回巢拍攝劇集《包青天》演出公孫策一角，但因他參與ViuTV劇集《身後事務所》，因而臨門被飛，他說：「呢個係一間公司嘅一啲人嘅問題，其實唔只幕前，幕後手足都有呢啲不被尊重嘅情況，只不過佢哋幕後，所以未必有被報道出嚟！（為呢件事覺得好嬲？）冇，但希望就算唔合作，佢哋都可以交代得好啲，反而ViuTV高層有打畀我講唔好意思，其實可能喺TVB某啲人心目中，唔覺得有乜嘢問題。（以後唔同TVB合作？）或者將來呢啲人『叮』一聲開竅，又或者處理手法改善番，有問題嘅唔係公司，係某啲人嘅處理手法。」
(東方日報)
