日本混血索模道端Jessica同英國F1車手畢頓（Jenson Button）離婚後，上月忽然自爆大肚。
據指BB經手人係一名荷李活電影監製。
二人於洛杉磯過同居生活，但未有結婚打算。
現年32歲嘅道端Jessica已獲家人及好友舉辦Baby Shower迎接小生命來臨。
其妹道端Angelica早前出席公開活動時踢爆家姐已懷孕6個月。
道端Jessica不時於Ig公開近照，近日佢身在夏威夷，穿上比堅尼展示巨肚玩selfie。
(Apple Daily)
【性感孕媽】著住泳衣曬六個月巨肚
【著涼鞋差啲絆腳】大肚城嫂方媛長裙look逛街
最近天王嫂方媛即將臨盆的消息不斷。 
郭富城雖一直在外工作，但早已安排好一切，月嫂、產房都已到位，還花大價錢在上海購得兩棟豪宅，為今後定居上海做準備。
幾日前方媛返回上海獲父母接機，現已悄悄回港。
有媒體報導說要在9月產女，但據傳要在8月底剖腹產，原因是為了避開鬼月(農曆七月)。
近日，方媛挺著大肚現身街頭，當天她戴著帽子，身穿條紋白裙，挺著大肚神采奕奕。
女助理在一旁小心伺候，手裡拎著一套衣服，不出意外應該是去拍照。
不過，方媛穿著高跟涼鞋。快要當媽媽了，再愛美也要保護好自己和孩子。
（on.cc 東網）
【預產期喺明年初】親自報喜宣佈佗B！
日本人氣組合SEKAI NO OWARI近年屢傳喜訊，隊中唯一女將Saori今日宣佈懷孕，為演員丈夫池田大首度陀B，預產期係明年初，池田大今日都在Twitter親自報喜。
31歲嘅Saori今年1月宣佈嫁同齡男星池田大，其SEKAI NO OWARI隊友Nakajin同日都公開娶圈外人女友為妻消息。SEKAI NO OWARI官網透露，Saori嘅胎兒已進入安定期，產後佢會繼續音樂事業，更期待可以日後帶埋BB巡迴各地開騷。
(蘋果日報)
【BBQ?Jazz?】車婉婉蘇永康B囝撞樣似孖仔
藝人車婉婉，今年3月就為中澳混血兒老公Jonathon生咗囝囝「BBQ」，一家三口可謂幸福滿瀉！車婉婉不時都會上載囝囝嘅新相，同大家分享佢作為新手媽媽嘅喜悅，尋晚佢就上載咗抱住囝囝嘅相，不過望真啲，點解BBQ好似唔同咗樣嘅？原來車婉婉抱嘅唔係BBQ，而係蘇永康個囝囝蘇展弘（Jazz）。
事關車婉婉噚日就同蘇永康個老婆Anita去咗high tea，交流湊仔經之餘仲畀佢兩個囝囝傾吓偈。相中嘅BBQ仲好主動咁拖住Jazz隻手，而且仲口擘擘，可愛指數爆燈！Jazz就好淡定咁望咗去第二度，完全冇理過BBQ，認真搞笑。
而車婉婉仲話：「BBQ一貫以熱情的態度和Baby Jazz溝通，而Baby Jazz亦很喜歡和人傾偈，我相信是有Baby Language的，他們玩了一陣便決定一起乖乖的睡覺，一點也不妨礙MaMa們下午茶傾計（偈）活動、真懂事，生性。」
唔少網友都話佢BBQ同Jazz好似孖仔，唔知佢哋兩個會唔會做結拜兄弟呢？
(on.cc東網)
【嬲到爆】陸永太太：希望老竇似番個人
陸永太太Reina（陳莉娜）向來與父親關係疏離，連父親節亦只上載母親的照片。
Reina留言暗示家中多年來母兼父職。
Reina近日連番在Instagram吐苦水，留言指最近為父親欠債的事感到困擾，期間不停受到收數佬滋擾。
「『搞到啲仔女冇所謂，但係唔好畀我條女知就得！』有幾多個爸爸可以講出呢啲說話？」
較早前，她亦在IG表示羨慕別人有個好爸爸。
「陸生（陸永）會提醒我，我有個好好嘅老公！#點解我有個咁不負責任嘅老竇#從來冇奢望姓李只希望個老竇似番個人！」似乎今次事情令Reina忍無可忍，決定要與父親劃清界線。
(on.cc 東網)
【為咗妹妹著…】平時Cool爆嘅竇靖童賣萌慶祝妹妹生日
日前是竇靖童的同父異母妹妹竇家媛15歲生日，竇家媛昨午在微博放上與家姐的合照，相中2姊妹不停搞笑自拍，沒想到平時Cool爆的童童，在妹妹面前表現得幾搞笑，兼且難得賣萌，姊妹情深﹗
早在前幾日，竇家媛就喺微博到問網民想睇童童著粉紅色定係粉藍色嘅小裙子，網民勁留言要粉紅色，結果相中童童果然身穿粉色上衣，而家媛就著黑色T恤，仲話「粉色 沒有小裙子」。
雖然冇著裙，但童童都有著到粉紅色，真係好錫妹妹！
2姊妹玩得好開心，不少網民留言讚她們可愛。
(明報)
【仲有雙方家長見證】林峯傳與千語BB外地訂婚
林峯與吳千語拍拖五年，結婚、分手嘅傳聞可謂傳咗好多次。
當事人也許都回應到口攰。
不過，傳聞依然冇放過佢哋，日前就有話佢哋係雙方家長見證下，已經喺外地舉行咗一個簡單訂婚儀式。
傳聞仲指二人會喺兩年後結婚。東網就此事向林峯求證，他表示：「唔係事實嘅唔需要回應。」簡而清地否認了傳聞。
(on.cc 東網)
【咁就三年啦！】大肚Ella孖BéBé G重遊法國婚照地留影
早前宣布佗第二胎嘅歌手官恩娜（Ella），呢排就同屋企人喺法國享受天倫樂。
呢日佢喺Instagram晒出一張囝囝BéBé G身處巴黎鐵塔嘅相，不過相中唔見Ella同佢老公現身。
Ella感慨地表示：「14年7月我同老公到法國影結婚相，曾經喺呢個位置留影，3年之後BéBé G就快兩歲嘞（喇），我帶佢到同一隻木馬旁邊拍照留念📷 #gabrielantoniomaurellet #22months #timeflies #老公抱佢扯哂（晒）佢啲衫上心口整到條褲吊腳😒」
網友見到後都話好Warm呀！唔知之後會唔會一家四口一齊再嚟影大合照呢！？
(on.cc東網)
【本來冇諗過生B】驗孕棒「兩條線」嚇呆成個鐘
蔣怡亮相ViuTV節目與火火、崔碧珈等分享兩性相處的經歷。
火火爆料指當年與蔣怡合作拍電影時，她的老公帶着外賣到片場探班，二人更躲到角落溫馨食外賣，令一眾男演員為之妒忌。
蔣怡指如果老公知道火火十多年後仍然記得此事，一定感到非常開心，因為是多年來唯一一次對蔣怡如此甜蜜，沒想到竟令人印象深刻！
蔣怡和老公結婚時已拍拖十三年，但二人未有想過要生小朋友。
所以當蔣怡於家中自行驗孕，看見驗孕棒上顯示兩條線時，驚訝得在家中浴室呆坐了整整一小時！
蔣怡透露和老公回想了很久，仍想不起「愛情結晶品」是何時製成，她只記得當時自己忙着拍攝旅遊節目外景，回港後更與老公大吵一頓，腦海裏完全沒有「造人」的記憶。
蔣怡又談到現在寶貝女兒非常黏她，會因看見老公親吻她而呷醋。
「囡囡會即刻衝上嚟攬住我向爸爸大嗌唔得，然後就一手推開爸爸！」
(on.cc 東網)
【一解22年恩怨】靚靚成龍曬合照泯恩仇
一直有傳袁詠儀22年前，與成龍合作電影《霹靂火》時得罪對方。
靚靚在微博上載多張與成龍的合照，成龍還攞住一大盒禮物畀靚靚，22年恩怨一相泯恩仇。
靚靚留言指：「外間一直傳言我是讓成龍大哥生氣的女星，昨晚感謝在曾志偉先生的安排下，終於知道真相，謝謝成龍大哥對我不計前嫌，原來很久前還為我製作了一些禮物，真的很感動！大哥！謝謝你！我會繼續做一個好演員！」
原來紙皮盒入面，是由當年的電影菲林製作而成的間尺，非常有心思。
(on.cc 東網)