最近剛誕下兒子成為媽媽的胡杏兒早前應紙尿片品牌邀請參與拍攝網上短片，向資深陪月員學習照顧初生BB知識，包括為BB換尿片和着衫。
胡杏兒笑說：「我真係未試過換尿片，今次係我人生嘅第一次，本來以為換尿片同着BB衫仔好容易，點知原來有咁多學問！換衫仔時我竟然調轉咗件BB衫。」
胡杏兒雖然已經請了陪月，又有老公同奶奶幫我手，不過，她自言要做一個稱職好媽媽，不會依賴別人，會認真學湊BB，由最基本嘅換片餵奶開始，並由知道自己懷孕開始已精心挑選適合自己及BB的用品。
(on.cc東網)
【爸爸有堅持】林盛斌斬釘截鐵：唔會
講得好﹗
藝人林盛斌（Bob）為投資分享會任司儀，透露屆時也會於台上分享投資心得，基於股票風險大甚少投資，近年主力投資房地產，不過面對近期樓價高企，故已轉向投資商廈，他謂：「呢方面發展空間大，幾個月前都買咗一間，有冇升值唔知，但收租回報率幾好，其實租金cover到供，再賺少少已ok，我唔係炒家，即使依家有埋幾個物業，都係想退休時有穩定收入啫！」
問到會否把物業轉贈四個仔女？阿Bob斬釘截鐵表示不會，但願意給予折頭出租給他們，更謂：「如果佢哋想買樓，盡量都會借，我又冇得好似朱明銳咁畀200萬個仔買樓，我要收息㗎！呢啲就係我成功之道，唔會有成功靠父蔭呢樣嘢，我想啲仔女有責任感。」
【冬至會唔會呷醋㗎！？】陳敏之勁讚Baby Lee：I wanna kisssss u!!
胡杏兒日前宣佈平安誕下囝囝Baby Lee，並改名做Brendan，家陣就要閉關坐月兼努力餵人奶，連日嚟好多親友都有去探杏兒同Brendan仔，相信應該好忙。
今日就輪到喺社交網站晒性感曱甴肚相嘅長腿索媽陳敏之，敏之今晚喺社交網站度，貼咗張同Brendan嘅合照，佢大讚Brendan靚仔，仲話想錫佢！
話晒仔女都係父母嘅「前世情人」，敏之咁明目張膽想咀Brendan仔，唔知問過佢個「前世情人」、即係囝囝雷子樂（雷冬至）未？
而Brendan媽咪杏兒又批咗未？
(蘋果日報)
【有些事不能比較】樂基兒：呢個係我第一個婚禮
37歲的樂基兒，經歷過和黎明的失敗婚姻後，今年8月底和拍拖2年、從事有機食物生意的男友Ian Chu在加洲結婚，只有50人左右的小型婚禮，身邊都是好友、至愛，Galie穿上以色列婚紗品牌Inbal Dror出嫁，一臉幸福在草地上和老公拖到實。
新婚兩個月，她指婚後生活一切如常，「感覺都係差不多，鐘意一個人，結咗婚，都唔會感覺有咩不同。」，她和老公Ian識了十幾年，由朋友變戀人，再變夫妻，兩人熟稔到，婚後都是直呼對方Galie、Ian，和老公閒時會一齊做瑜珈、煮飯。
至於幾時生？「我係open，暫時無任何plan。」她相信就算將來做大肚婆、媽咪，都會一樣是個時尚hip mom。2008年，她和黎明在美國賭城秘婚，次年才被踢爆。問到兩個婚禮，有何不同？「都好難答，因為第一次其實係無wedding，所以呢個係我第一個婚禮，係第一次著婚紗，你唔能夠真係比較到，It’s just different，無話邊樣好啲。」
向來率真的樂基兒，坦言當日結婚和今次結婚都一樣：因為愛！「當你愛一個人，你就會，做啦，唔會真係話，呢個係婚禮，我要咁咁，咁咁咁，而係為咗兩個人去記住，所以係兩件唔同的事。」有人婚姻失敗一次就患上恐懼症，有人再接再厲誓要再結，「我沒諗過咁快遇上另一個，但是有時，你無得計劃，我同我老公做了朋友十幾年，從來無試過拍拖，或者有興趣去dating對方，但who knows?」
(蘋果日報)
【同老公聚少離多】郭羡妮：冇都唔緊要 我已經有個女
郭羨妮（Sonija）、黃淑儀、曾航生、呂熙同潘杰寧今日喺堅尼地城魯班先師廟，為港台劇集《獅子山下2017》拍攝，Sonija透露首次拍《獅子山下》，雖然只係拍兩日，但每日都要拍18、19個鐘。
劇情講述Sonija喺廟內求子，佢笑住話：「我一邊拍一邊求，不過呢啲要放鬆啲，刻意真係唔得，o依家我嘅心態係，冇都唔緊要，因為我已經有個女，出年個女升小學，o依家同佢報咗7、8間小學，不過未有消息。」會唔會讀國際學校？
Sonija表示暫時未諗，佢希望囡囡入讀傳統學校。對於10月1日係Sonija同老公朱少杰嘅結婚6周年，問到點慶祝？Sonija話：「老公返咗香港5日，我哋都係食飯、行街買嘢。」老公有冇送結婚周年禮物？Sonija笑笑口咁話：「有，但係唔啱我用，所以我拎去換款，或者叫佢折現，以前佢送咗部美容機畀我，我冇用，於是我拎去換家庭用品。」雖然同老公聚少離多，但感情如舊，佢話：「我啱啱去北京見到佢，都有啲拍拖感覺。」
(蘋果日報)
【拖手睇日落、蜜遊冰島】黃心美承認戀情啦！
黃心美（Scarlett）正身在冰島旅遊。
她在Instagram貼出與男士拖手睇日落的Sweet Sweet相，被指鋪路公開戀情。
身在外地沐浴於愛河中的心美，由經理人代為回覆，證實戀情。
Scarlett經理人回應：「係！佢依家拍拖啦，Scarlett現身在冰島度假中，多謝大家嘅關心，希望畀多啲空間佢嘅啦！」
(on.cc 東網)
【俾網友笑「老餅」】古天樂被發現竟然仲用緊…
以前手提電話除咗有直板機之外，仲有冚蓋同滑蓋款，不過自從智能電話普及之後，以上款式都買少見少。
不過少見又唔代表冇人用嘅，好似型男古天樂（古仔）特別鍾情滑蓋手機！
最近，古仔出席某活動，有網友就野生捕獲到佢，仲影到佢傾電話。
眼利嘅網友仲發現古仔嘅手機係滑蓋款式，唔少網友見到後，都忍唔住笑古仔。
「年輕長得就是洋氣帥哥的臉，沒想到身體住着老靈魂」、「這份毅力實在令人欽佩」、「活捉到一只用滑蓋機文物的古董」
不過亦有網友戴定頭盔話：「查一下，有沒有幾十萬元的滑蓋手機……」
（on.cc 東網）
【想同老婆成雙成對！】陳志健溫馨慶祝結婚五周年
陳志健（Otto）日前與老婆羅苡之慶祝結婚五周年。
他說：「嗰日專登搵咗間幾好氣氛嘅餐廳，同老婆撐枱腳，當然唔少得花同禮物，嗰晚我哋都食得好開心，又飲咗啲酒咁，氣氛真係好一流。」
「老婆送咗隻瑪瑙鑽石戒指畀我，我就送咗對耳環畀佢，自己就留起個吊墜，咁就可以同老婆成雙成對。」
「希望今後嘅日子錫老婆多啲，放假可以有多啲時間陪佢周圍玩！」
(on.cc 東網)
【貴咗百分之…】機場食肆收費違反價格機制
機管局零四年開始推出「市區價格保障」，規定機場商戶售買的貨品或食品，定價不能貴過市區。有電台到過機場十三間不同類型的食肆和商店視察，發現有關商店全部無貼出「市區價格保障」的標示，部分食肆個別食品售價，較市區貴百分之一至一倍不等。
有在機場經營服裝店的實政圓桌立法會議員田北辰表示，機管局應嚴厲執行市區價格保障，否則有關規定形同虛設。消委會總幹事黃鳯嫺亦認為，機管局應該加強宣傳。機管局就回應指，會定期進行價格調查，若發現商品價格高過市中心，會要求有關店舖更正。有飲食集團就指，機場分店部份食物是機場限定，配料及份量與市區不同，亦較多套餐，不能與市區門市的售價直接比較。
(881903 商業電台)
【有片睇】聽障B囡強忍淚水再露出超甜微笑
美國維吉尼亞州2個月大的女嬰查理（Charly Keane）患有先天性聽障損失疾病，從一出生到現在，從未聽過父母的呼喚聲，一直都在寂靜的世界中度過。當查理戴上助聽器聽見母親克里斯蒂（Christy Keane ）的呼喚後，她顯得情緒激動、還發出撒嬌聲，更露出一抹超甜微笑。這段影片在14日PO上網後爆紅瘋傳，目前已吸引超過1000萬人次點閱，網友看了直呼「超可愛」。
綜合外媒報導，查理父母在得知她的病況之後，為她買了助聽器，讓她能夠聽見他們的聲音。影片顯示，戴上助聽器的查理在聽見聲音之後，立刻皺眉、扁嘴、發出陣陣撒嬌聲，看起來情緒相當激動，還露出一抹超甜微笑。克里斯蒂在Instagram發文表示，查理在聽到她的聲音之後，強忍喜悅淚水，「我一直祈禱這個奇蹟時刻來臨。」
克里斯蒂表示，從那一天起，每天早上幫查理戴上助聽器的時候，都覺得這是個奇蹟，「因為之前覺得她可能聽不到任何聲音，所以當她聽到的時候，更令人難以置信」。但她同時也提到，她也害怕查理到了晚上沒有助聽器的時候，會感到害怕和孤獨，「我祈禱我的撫摸與存在，能夠讓她安心度過每個夜晚。」
網友看了影片後紛紛表示，「這是我看過最美麗的事物之一」、「超可愛」、「這是目前為止Youtube網站上最棒的一部影片」、「讓我哭了」。
(ETtoday / Instagram: theblushingbluebird)