【餅印母女出巡】42歲湯盈盈：我望住啲囡就好嗒糖

2017-09-20

在加拿大滿地可長大嘅湯盈盈，出名熱情，性格又夠開放，曾經係無綫御用「狐狸精」，演技到位。

不過，盈盈自從2012年嫁咗俾錢嘉樂之後就「從良」，謝絕性感演出，仲為嘉樂誕下4歲大女錢凱晴（Alyssa）同下月便2歲嘅細女錢凱琪（Kassidy）。

據悉盈盈婚後曾想過退出幕前，專心相夫教女；但由於無綫近年常有好戲之人離巢，盈盈獲極力挽留，並安排演出處境劇《愛回家》系列，返工同放工時間較穩定，令盈盈可以騰出多啲時間照顧小朋友，又可以幫輕頭家，搵多啲奶粉錢。

大前日下午四點鐘，盈盈駕駛寶馬接載大女Alyssa去灣仔洛克道一楝商廈，大廈內有幾間playgroup，估計盈盈係帶囡囡去上堂。

盈盈先將車停喺附近讓代客泊車，見佢一馬當先落車，行去後座位攞咗一個背包同手袋，然後就開前座車門俾囡囡落車。

而由落車位置行去商廈，雖然只有約兩分鐘步程，但見Alyssa拎住隻匙羹，好用心咁舀起膠袋裏面嘅食物，全程行得好慢好慢，一直跟住背後嘅盈盈好有耐性，冇鬧囡囡之餘仲笑得好開心。

用咗大約雙倍時間行到去門口，Alyssa突然扭計仔，踏咗幾下地，仲唔小心將食物跌咗落地下，盈盈就幫手執番起，好有公德心。

盈盈噚日接受傳媒訪問時，就否認囡囡有扭計，佢話﹕「佢將啲食物放上匙羹上面，因為要平衡唔想食物跌，所以行得好慢。(見你好開心？)我望住啲囡就好嗒糖，覺得佢哋好得意。」盈盈透露囡囡當日係去上美術堂，話大女已過咗頑皮階段，反而細女有啲會曳啲，佢笑笑口話﹕「細女頑皮啲，仲好大膽，有佢老竇身手。」

(蘋果日報)

【結婚25周年】「歡喜哥」一家三口溫馨慶祝銀婚

2017-09-20

「歡喜哥」許紹雄演技精湛，充滿幽默感，擁有不同年齡層嘅粉絲，真係唔輸蝕畀一班後生年輕偶像。

最近無綫就播緊佢有份演出嘅劇集《使徒行者2》，大家又可以睇到「歡喜哥」嘅演出！

今年就係「歡喜哥」同太太結婚25周年「銀婚」紀念。

佢喺社交網上載咗同太太、女兒嘅合照，見到三人面前有個結婚周年紀念蛋糕，一家三口好溫馨。

許紹雄簡單留言「銀婚快樂」，一切盡在不言中。

許紹雄女兒已經長得亭亭玉立，漂亮可人，顏值相當之高！

(on.cc 東網)

【小一自行派位】今年競爭情況更激烈填表需攻略

2017-09-20

每年9月，K3學生的父母都要為子女遞交「小一入學申請表」，有專家預計今年遞交申報表者會達到大約6萬3千人，競爭情況。。。

【小一自行派位　填表攻略】：

每年9月，K3學生的父母都要為子女遞交「小一入學申請表」，在全港所有官立及資助小學之中，選出一間作為「自行分配學位」階段的申請對象。如申請人手持25分或以上，當然能Sure Win，但對於只手持「入場券」15分的申請者而言，又有甚麼妙法可以提高成功機率呢？不如聽聽著名本地教育及升學顧問Ian Tsang有何意見。

Ian指出，由於2011年的出生率較2012年高，故許多家長都誤以為去年的申請競爭會較今年大，但其實於2011年時，本地兒童其實只得5萬1千多人，而3萬多人其實是雙非兒童，相反於2012年，本地兒童高達5萬8千多人，所以相對之下，Ian預計今年遞交申報表者會達到大約6萬3千人，在這樣的情況下，我們預計到申請的競爭情況是會比去年更高。

由於大部分的熱門小學，也會在自行分配學位階段內，需要有20分或以上才有機會被抽中。那如果手持15分的家長，可以怎麼做？Ian建議他們可以嘗試申請一些不太熱門的小學，而當11月底收到自分配學位的結果後，再視乎是否獲私立小學取錄，如成功考獲私校，便可以放棄註冊自行分配學位，然後繼續參加統一派位；相反如果未獲私立小學取錄，家長應先考慮註冊自行分配學位階段所分派的學校，手持着這個學位，然後索性放棄統一派位，及至叩門時，才嘗試物色一些更喜歡、更心儀的小學。

對於一些已經手持20分的申請人，Ian謂其實真正會派到學位的機會，許多時也會低過25%，許多學校都是約20%，所以在自行分配學位階段，Ian並不建議家長過於進取，這個與以往坊間所介紹予家長的策略不同，Ian直言因為自行分配學位階段的機會率，一般比統一派位階段抽到學校的機會更低，所以應利用這20分去選擇一些不錯的學校，而未必去揀選一些熱門的小學，希望能在自行分配學位階段裏，可以先獲派到一間不錯的學校，穩定軍心，才繼續去處理餘下的選擇。

在全港的派位結果中，也會留意到沙田91校網的派位結果，獲派首3志願的成功率是全港偏低，所以Ian提醒家長，面對參加人數比較多的校網，許多時候略為受歡迎的小學，它們也很大機會在統一派位的乙部第一志願，全部學位已派完，故家長別掉以輕心，別在自行分配時過於進取，然後在統一派位再試，然後才在第二、第三志願揀選一些不太熱門的學校作為保險線，這個情況在近年申請人數比較多的情況下，此方法已經行不通。因此Ian建議大家，在自行分配學位階段時應保守一點，這個方法其實是用來配合、如果你有一個不錯的派位結果，然後又有一個私立學校選擇作Backup，便可以利用統一派位來再做一個進取的選擇。

(文章來源：東方日報)

想知更多可瀏覽教育局網頁 (小一入學統籌辦法)：

http://www.edb.gov.hk/tc/edu-system/primary-secondary/spa-systems/primary-1-admission/

【當「鷲哥」遇上「易先生」】拍住上登台獻唱！

2017-09-19

近排憑《同盟》一劇走紅嘅歐瑞偉，日前同「鷲哥」吳岱融上咗郵輪登台唱歌，原來佢哋兩個合作拍劇多年，份屬好兄弟，但登台做騷今次都係第一次，當「鷲哥」遇上「易先生」，台下觀眾反應當然好熱烈，其中吳岱融同歐瑞偉合唱咗鄭少秋嘅《倚天屠龍記》，易先生原來唱功都唔錯。

佢哋兩兄弟今次上郵輪做騷，兩邊屋企人都有出嚟撐場，吳岱融同鍾淑慧個仔雖然喺新加坡當兵嚟唔到，但鍾淑慧媽咪、細妹、妹夫等等都有上埋遊郵輪玩，至於歐瑞偉太太同一對仔女亦有陪爹哋上船。首次見歐瑞偉對仔女，原來都係靚仔靚女，遺傳咗父母嘅靚靚基因。

吳岱融今日接受傳媒訪問時話：「我同瑞偉真係好多年朋友，當年大家都係古裝人，拍過好多劇，今次第一次一齊登台唱歌，真係好開心好好玩。」

鍾淑慧今日接受訪問時就話：「之前郵輪搵岱融做，叫佢搵個拍檔做嘉賓，所以搵咗瑞偉，點知咁啱呢期瑞偉個易先生又咁紅，『鷲哥』遇上『易先生』，現場觀眾反應好到不得了，佢哋兩個諗緊組成一個組合唱歌㖭。」

(蘋果日報)

【知道喺仔定女啦】陳凱琳幫手改英文名

2017-09-19

藝員陳凱琳（Grace）與歐錦棠到銅鑼灣出席活動，大晒長腿的她在歐錦棠指導下擺出李小龍的招牌pose。Grace透露爹哋亦是李小龍的瘋狂粉絲：「喺屋企相簿見過爹哋扮李小龍造型嘅相，黃色緊身衫、髮型都跟足！棠哥話如果喜歡嘅話，佢可以送一個李小龍珍藏品畀Daddy，實開心死佢。」Grace覺得習武可訓練到人的毅力，自己亦有意向李小龍學習做打女：「之前拍劇都有打過，覺得女仔細細粒亦都可以好有型，最緊要學識擺Pose。」

講到日前Grace孖住男友鄭嘉穎，與好姊妹陳嘉寶、賴慰玲及其另一半聚會。Grace說因賴慰玲預計年底生B，生完又坐月較忙，因此預先慶祝。Grace笑指男友並非參與這些聚會，與大家都很熟。當晚一行人炮製泰國大餐，問到佗B的賴慰玲是否食慾大增？Grace說：「都有，唔好睇小佢，佢本身都幾食得，但都要戒口。（做契媽？）已經係契媽啦，佢都想我幫手改BB嘅英文名。（知道係仔定女？）知道，但暫時唔講得，要幫手守秘密。」

(東方日報)

【本周末踏入「秋分」】「秋老虎」下周繼續發威

2017-09-19

踏入9月，天色未到7點已變暗，原來本周六(23日)就踏入廿四節氣中的「秋分」，北半球各地亦日晝漸短夜漸長。天文台又預料，秋分過後將會稍稍變得乾燥，其中下周二(26日)的最低相對濕度跌至65%。

最新九天天氣預報顯示，明日(20日)至本周六(23日)部分或短暫時間有陽光，亦有幾陣驟雨，其中秋分當日(23日)介乎攝氏27至31度。踏入下周工作天，天色繼續良好，但相對濕度逐漸下降，由下周日(24日)最低75%，跌至下周二(26日)、下周三(27日)的65%。不過「秋老虎」繼續發威，其中下周三天氣炎熱，氣溫最高33度。

天文台指，現時影響中國東南部的高空反氣旋會在未來一兩日稍為減弱，預料一道廣闊低壓槽將會在本周後期為南海中至北部帶來驟雨，下周初西北太平洋的副熱帶高壓脊會向西伸展，中國東南部天色大致良好。

(東方日報 / 天文台)

【半夜去廁所見到小周周…】周杰倫：此刻我跪在地上傻眼半小時

2017-09-19

周杰倫婚後和昆凌育有一女一子婚姻幸福美滿，而女兒小周周更是大家追逐的焦點，至今周杰倫尚未公開小周周正面照，夫妻倆只Po出小周周側面或是背殺照吊人胃口。

今早周杰倫在IG又再度提到小周周，這次不是放閃，而是小周周做了一件事讓周杰倫「跪在地上傻眼半小時」，這讓不少粉絲看得是直接噴笑。

周杰倫在IG上寫道：「好久沒回家，當要去廁所時，發現牆壁被塗鴉了，此刻我跪在地上傻眼半小時」，且附上一張用藍筆塗鴉的白牆照，對這正是小周周的傑作！照片一出，網友也紛紛留言說：「熊孩子對爸爸的考驗正式開啟」、「快平身吧」。

果然高手杰作一出就知有沒有，為露面的小周周又成功引起話題。

而同樣都已經為人父母的粉絲安慰他：「別意外，我家的沙發已遭殃。」、「千萬別擦～小周周也許還有自己的想法喔！」

另外也有粉絲提到跟周傑倫上一則畫作貼文一對比來看，就知「藝術基因是神遺傳的，喜歡的風格都差不多」，還有人笑說：「小周周的簽名跟老爸好像！」

（自由時報 / 搜狐）

【陀第三胎險早產】宣佈囡囡平安出世啦

2017-09-19

媽媽真喺唔易做… 佢形容今次懷孕過程辛苦，初期經常嘔吐，後來又因疑患有妊娠中毒症等孕婦病症，有早產可能，要留院或喺屋企悉心養胎。。。

36歲日本組合Morning娘首代成員飯田圭織，宣佈為前組合7HOUSE主音丈夫kenji誕下囡囡，係佢哋結婚10年嘅第三胎。

飯田圭織透過社交網站公開喜訊，透露已經誕下囡囡，又公開女兒手仔相。佢形容今次懷孕過程辛苦，初期經常嘔吐，後來又因疑患有妊娠中毒症等孕婦病症，有早產可能，要留院或喺屋企悉心養胎，令囝囝暫時忍耐要同媽媽分開。飯田圭織又留言感謝屋企人同丈夫嘅一直支持，幫忙照顧囝囝，丈夫喺囡囡出世時亦有陪產，飯田圭織又話當聽到囡囡喊聲，佢即感動到喊咗出嚟，再次感受到生命嘅珍貴，而佢同丈夫見到囡囡之後，都異口同聲覺得細女同囝囝好似樣。

飯田圭織於2007年同前組合7HOUSE主音kenji奉子成婚，翌年產下一子，可惜長子有先天性腎病，同年7月因慢性腎功能不全結束僅6個月短暫生命。直至13年飯田圭織再為老公誕下健康囝囝。

(蘋果日報)

【「種子」論】陸太Hannah妙問妙答

2017-09-19

陸永太太昨晚喺社交網分享到：

「事原是咁的… 有日返學途中，Hannah問點(解)佢會喺一個BB喺我個肚拎出嚟… 我一時之間都唔知應該點解釋俾佢聽… 我話因為爸爸放咗啲「種子」喺媽咪個肚入面，粒種子會慢慢變成一個bb… 住到媽咪個肚唔夠位住就要拎出嚟囉… #解釋得唔係幾好」

另外，佢又提到，囡囡話希望爸爸再放啲「種子」落佢個肚到，搞到佢都唔知講咩好….認真搞笑﹗

而網民亦都紛紛留言：

「我覺得解釋得唔錯🤣不過囡囡放錯左重點呢😆😆」

「Hanna 真係好可愛 💗」

「因為爸爸係農夫？」

「爸爸係農夫要播種合情合理阿」

(instagram)

【唔好亂咁捽眼】兒童眼腫淚腺有機會感染惡菌致死

2017-09-19

兒童眼皮嚴重腫脹至無法轉動眼球、睜閉眼，慎防淚腺受惡菌入侵。有兩歲半男童淚腺感染耐藥性金黃葡萄球菌後發炎，膿液多得把眼球擠壓變形，處方抗生素無效，最終要開刀放膿。調查發現，惡菌來源竟是家傭的鼻腔，懷疑照顧男童期間經接觸傳播。眼科醫生指出，若淚腺膿腫阻截眼球血液，可影響視力，如未及時治療，細菌可經血入腦，引發腦膜炎甚至死亡。

中文大學眼科中心醫生莊金隆和團隊，檢視過去八年醫療紀錄，發現兩宗兒童急性化膿細菌感染淚腺炎。首宗個案是五歲男童，發病前曾出現紅眼症，家庭醫生處方眼藥水後，症狀持續及惡化，右眼外側嚴重腫脹，眼皮墜成橫「S」型，眼白結膜同樣腫脹，以致無法睜閉眼。另一病人為卅二個月大男童，求診前兩日起輕微發燒，右眼皮紅腫及有黃色分泌物。兩童入院接受靜脈輸注抗生素和眼藥水均無效，需開刀放膿，其後康復。

莊金隆表示，首名男童疑因細菌導致紅眼症，細菌再循淚腺細管走上淚腺，引起發炎和膿腫，其後驗出感染金黃葡萄球菌(MSSA)。第二宗個案驗出社區型耐藥性金黃葡萄球菌(CA-MRSA)，情況更嚴重，「此菌較惡和具侵略性，可攻擊健康組織。」追查男童的接觸者，發現家傭鼻腔帶有MRSA，懷疑她照顧男童期間，男童的手沾到惡菌，再捽眼受感染。家傭其後亦獲處方抗生素殺菌。

淚腺位於上眼瞼外側，病發時眼皮紅腫，或被誤當成生眼瘡。要分辨兩者，莊醫生解釋，膿腫會把眼球弧度擠壓扁平，阻礙眼球轉動，透過電腦掃描可看到膿液；眼瘡患者可自如轉動眼球，結膜不會腫至無法睜閉眼。淚腺膿腫若未及時治療，有機會減低眼球血液循環，影響視力。一旦延遲確診，細菌可經血上腦，引發腦膜炎等嚴重併發症。

細菌可於人體皮膚、眼睛表面等各處潛伏，當免疫力差，或用受污染的手捽眼，造成傷口，細菌即有機可乘。莊指出，感染性淚腺膿腫並不常見，惟隨着社區金黃葡萄球菌的耐藥情況惡化，愈來愈多難以抗生素治療的惡菌，未來感染個案可能更多。莊提醒，帶菌者本身未必有病徵，但可傳人，因此需注意個人衞生及避免捽眼。

(on.cc東網)