現年73歲嘅白姐姐白韻琹，同59歲嘅立法會議員謝偉俊結婚20年以嚟，多次傳出婚姻亮紅燈，白姐姐曾公開話佢哋係有名無實夫妻，又指摘謝偉俊向佢郁手同鬧爆老公冇良心。
（資料圖片）
不過，經歷種種風雨，兩個人之後都係好恩愛咁孖住出入，感情似乎未受影響，好似日前下晝，白姐姐同謝偉俊好恩愛咁十指緊扣喺中環IFC行街，佢哋下晝4點左右行完街由IFC中庭位置行去附近停車位攞車，由於白姐姐年紀唔細，所以行得比較慢，但見謝偉俊都有遷就佢慢慢行，結果正常行幾分鐘嘅路程，佢哋就行咗10幾20分鐘，先至行到去停車位攞謝偉俊部部紫紅色保時捷。
日前下晝，白姐姐同謝偉俊好恩愛咁十指緊扣喺中環IFC行街。
白姐姐年紀唔細，所以行得比較慢，見謝偉俊都有遷就佢慢慢行。
其實沿途白姐姐兩公婆好好傾，白姐姐講完，謝偉俊都有回答，期間經過一啲舖頭，白姐姐見到套西裝好似幾好，向謝偉俊指一指，謝偉俊都有點意示意ok，但兩個人就冇行入舖頭睇，而上車之後，白姐姐仍繼續講個不停，謝偉俊都有耐心回答，完全冇唔耐煩。
(apple daily)
