岑杏賢、湯洛雯、蔣家旻、劉穎鏇等都係到！好多網民都趁機留言送上祝福，而「靚湯」湯洛雯就留言話自己已經係第三次。。。
港姐出身嘅朱千雪，剛於上月28日踏入「29+1」歲，踏入3字頭，朱千雪當然會有一連串嘅生日慶祝活動，今日佢就係ig度貼出一批同朋友慶祝生日嘅相，同佢慶祝圈中好友包括岑杏賢、湯洛雯、蔣家旻、劉穎鏇等。
千雪BB就好開心咁用英文留言話：「I may not have a lot of friends, but the ones I do have are amazing enough to celebrate with me when I least expect it, and some with me even more than once. I am a very lucky girl. (我可能未必有很多朋友，但我所擁有的都是可愛無比，更意想不到地為我慶祝生日，有些甚至不只一次。我真的很幸運。)」
好多網民都趁機留言祝賀千雪BB生日快樂，而「靚湯」湯洛雯就留言話自己原來同千雪BB切咗三個蛋糕啦，認真夠朋友。
(蘋果日報)
有一段時間冇喺香港開騷嘅陳慧琳（Kelly），今日現身九龍灣出席「MOOV LIVE陳慧琳Music Stage」音樂會記招，宣佈今個月25日喺麥花臣場館舉行音樂會。
演唱會除咗獻唱首張數碼EP《Watch Me》內所有新歌，又會唱小部份冇咁hit嘅舊歌，Kelly仲挑選咗五首歌畀歌迷網上投票一首當晚最想聽，而Kelly透露自己心水係《我會掛念你》，因為配合現場樂隊演奏可以玩到好勁。首次喺麥花臣場館開騷，事事要求完美嘅Kelly會換三套衫，因為中間一首歌《打字機》要配合懷舊感覺，所以特別換上一套懷舊衫。
兩個囝囝已經放暑假，Kelly笑指自己喺屋企排練時，不時被囝囝們打擾，問到會否畀囝囝們睇騷？佢話：「唔好啦，佢嚟到我就慘，好忙，睇吓點先。」完成今次個騷就會一家人去旅行，未知去英國定美國。近日忙於排練，湊囝重責交畀老公，不過老公都試過有晚同朋友出去飲酒睇波放鬆吓。
Kelly指兩個囝囝似佢同老公係斯文派，運動都係鍾意較靜態嘅乒乓波，大囝蝦餃仔已經九歲大，亦有自己電話，問到囝囝會否偷影佢？佢就話：「成日偷影，不過冇set佢電話可以上網，不過遲啲都控制唔到，到時喺屋企都要戴黑超同set頭，最緊要教佢打格仔，打媽咪塊面。」講到如果格仔打錯喺身會否仲尷尬，Kelly笑說：「係呀，仲衰過打臉。」
原來蝦餃仔已經同媽咪傾男女關係，Kelly話：「佢有同我講要鍾意好女仔，佢又話女仔好容易搵到男朋友，男仔好難搵到女朋友，其實佢每一年都會揀一個女仔鍾意，都靚㗎，但係呢好多時對方冇反應。今年嗰個亦都係呢冇理過佢，（學期尾）就拜拜咗。」
(蘋果日報)
兩人越愛越黐纏，琴日有網民捕獲兩人蜜遊日本。當日兩人到原宿血拼，男方戴漁夫帽同黑色口罩遮曬樣，女友就着短褲襯長裇衫，其間發現被偷拍…
兩人踏入七年之癢，早前傳38歲羅志祥（小豬）豪擲2.7億台幣在內湖築愛巢，計劃在女友周揚青9月生日前迎娶過門，不過其後小豬否認婚訊，但準豬嫂甚得未來奶奶歡心，上月小豬與女友現身台北，被傳媒影到跟媽咪三人行，在小豬擔任創意總監的甜品店歡聚，準豬嫂更盡力幫甜品店宣傳，成功打入羅家。
被網民拍到原來當時周揚青排緊隊畀錢，小豬就喺旁邊耐心等候，不過被發現後，周揚青就急離開現場轉身走人掉低男友，最後兩人前後腳離開服裝店！網民喺微博貼相並留言：「周揚青和羅志祥就在我身邊買單」
準豬嫂發現有人影相即轉身閃（網上圖片）
(apple daily)
歌手陳柏宇（Jason）到電台接受訪問，講到在社交平台上載與太太符曉薇慶祝拍拖6周年及結婚1周年的相片，他表示兩人只是普通食飯慶祝。問可有送禮物？他笑言：「長期送緊㗎啦，成日都話買安胎嘢，但明明係手袋嗰啲，唯一就係個奶粉袋同BB有關。」
談及之前去瑞典及倫敦工作，笑言在倫敦都有shopping，幫太太買了生日禮物給自己：「我同佢講我喺機場睇中個銀包，佢就話『你應該喺機場嗰陣買埋』，我就話『我就知你咁講，所以我已經幫你買咗』，所以我特登唔拆住，等佢送番畀我先拆。」
問到可有買BB用品？他笑言：「唔買㗎喇，因為啲朋友好好，會送畀我，有啲直情係包裝都未拆，同埋都有唔少Sponsor（贊助）。」但仍會買BB車及BB床，更笑言要買夠3張BB床：「我要將啲BB床擺喺我會去嘅地方，因為我會抱住BB周圍走，所以我要買3張，擺喺屋企、健身房同阿媽屋企。」
(on.cc東網)
單親媽媽梁洛施（Isabella）上月23日剛踏入29+1，同月30日輪到超人李嘉誠之孫、孖仔H&N嘅8歲生日，今日Isabella喺社交網晒生日蛋糕相，留言：「June is always the busiest month for me.」佢精心預備咗兩個蛋糕同孖仔慶祝，一個寫「My Dearest H&N」，另一個寫「Happy Brithday Thing 1 & Thing 2」，原來孖孖仲有花名叫「Thing 1」同「Thing 2」。
2年前一家四口到迪士尼慶祝仔仔6嵗生日。
做咗三子之母嘅Isabella，唔知係咪湊仔好辛苦，日前佢貼咗張食早餐相，留言：「每日早晨必食嘅花生醬」，着背心嘅佢露出幾乎幼過筷子嘅手臂，加埋單薄嘅身型，瘦削嘅面頰，網民都驚訝留言：「太瘦了，看你那手臂」、「不健康啊」看來網民都好擔心佢……
不過，看Isabella面上嘅笑容，相信健康冇問題，只係太過瘦吧了！
（apple daily）
睇到Gigi望住個女已經會笑得好開心，佢依家真係好享受家庭生活，不過佢曾經同朋友講過，話。。。
梁詠琪（Gigi）喺5月頭完成演唱會後，佢同西班牙籍老公Sergio帶埋個女Sofia返咗巴塞隆拿探親，順道喺嗰邊放假造人，佢兩公婆一直想追多一個小朋友，o依家個女都已經3歲，佢哋希望可以追多一個仔，今次返去老公家鄉放長假，佢哋會放到8月底先返香港，希望可以成功搞掂返嚟！
Gigi今日喺社交平台放咗喺巴塞隆拿一間餐廳歎美食嘅相出嚟，照片中仲見到囡囡Sofia扮鬼靈精，好鬼識搶鏡。
睇到Gigi望住個女已經會笑得好開心，佢依家真係好享受家庭生活，不過佢曾經同朋友講過，話Sofia如果有個細佬或細妹咁會好啲，有個差唔多年紀嘅弟妹陪佢就唔會咁寂寞，所以佢兩公婆好努力想造人。
(蘋果日報)
藝人謝安琪同張繼聰嘅一對仔女，張瞻同張靖一向都好乖，哥哥仲好錫妹妹添！
（資料圖片）
最近阿聰喺網上上載一段張瞻教妹妹講數字嘅片，片中見到張瞻拎住本書好有耐性教妹妹讀英文數字one to ten，張靖就好努力咁跟住哥哥讀。
最後張瞻仲拍掌鼓勵佢一齊Yeah，真係好有愛呀！
難怪阿聰都留言大讚：「好老師，好學生。」
另外，張瞻亦都分享一段佢頂波嘅片，見佢擺咗個氣球，之後佢再頂個波向個氣球，球技了得，動靜皆宜，網民都話仔仔同囡囡都咁乖，阿聰同老婆謝安琪可以放心喇！
(on.cc)
懷孕期間，除了外觀體型改變之外，生理機能也會有所變化，導致肌膚出現搔癢或病變；搔癢的部位可能出現在全身各處，經常讓孕媽咪困擾不已，甚至影響情緒，因此，了解孕期可能發生的皮膚疾病，預防並及時治療，才能幫助緩解肌膚不適。
【懷孕期間常見的皮膚疾病】
懷孕期常見的皮膚疾病包含妊娠型類天皰瘡、癢型蕁麻疹丘疹斑塊、妊娠型異位性皮膚炎、膿皰型乾癬、妊娠型膽汁淤積皮膚炎，各有不同的表現形態。亞東紀念醫院皮膚科朱宮瑤主治醫師提到，有些皮膚疾病比較良性，僅有皮膚問題，但有些可能會引發子宮胎盤異常而影響胎兒發育，如妊娠型類天皰瘡、膿皰型乾癬、妊娠型膽汁淤積皮膚炎等，這三種懷孕相關的皮膚疾病對胎兒來說有危險性，而癢型蕁麻疹丘疹斑塊與妊娠異位性皮膚炎則比較不會造成胎兒的問題。
【孕期肌膚保養重點】
為了預防懷孕期間出現異常搔癢的症狀，朱宮瑤醫師建議，孕媽咪可以搽一些乳液來保濕，透過乳液的滋潤及按摩，會讓皮膚變得比較好，進而預防孕期皮膚不適。
•冬季：
有許多冬天的皮膚問題與缺乏保養有關，若有乾燥搔癢症狀時，注意洗澡的水溫不要太高，清潔完成後記得擦上適合自己膚質的保濕乳液，可以順便進行肌膚按摩，讓皮膚能充分吸收，只要做足保濕工作，就能幫助減緩皮膚不適。
•夏季：懷孕時的體重變化，會導致身體負擔較大，到了夏天經常汗流浹背，如果因悶熱或清潔不夠徹底，可能引起黴菌感染或汗疹，因此，除了清潔要多加注意之外，衣服也要選擇透氣材質，出汗後儘量更換舒適衣物，避免悶出病來。
(媽媽寶寶)
名模琦琦係法國時間7月2日，帶埋囡囡任晴佳( Ella ）到巴黎出席著名法國品牌Dior2018秋冬季時裝騷，除咗琦琦兩母女，仲有好多女星出席，包括Kate Bosworth、Zoey Deutch 、Sofia Boutella、Annabelle Wallis、Emma Roberts、Araya Alberta Hargate等，而大陸女星景甜、 珠寶設計師萬寶寶、香港名媛張翡玶，而名模Karlie Kloss 、Natalia Vodianova, Daria Strokous及名媛Olivia Palermo亦有出席時裝騷。
14歲嘅Ella首次獲邀請到巴黎睇高級訂造服時裝騷，佢話真係好開心，騷後佢好興奮咁話：「我好鍾意騷入面嘅模特兒，成個系列都非常漂亮、特別喜歡祼色嘅禮服。喺騷入面仲碰到自己嘅的偶像名模Karlie Kloss，真係好開心呀！」而琦琦就話：「非常喜歡Dior嘅2018秋冬高級訂製系列，尤其外套及斗篷，很高貴同好靚，今次第一次帶埋Ella 出席，係因為佢她一直對時裝感興趣，想成為時裝設計師，而佢亦一直好想想陪我出席巴黎時裝騷，今次兌現了兩年前嘅承諾。」
14歲嘅Ella，身高已達170cm，同媽媽合照時，琦琦都只係高個女唔係好多，真係後生可畏，相信Ella好快就會高過媽媽喇！而琦琦亦喺ig度貼出Ella同偶像Karlie Kloss合照，留言話：「不愛拍照的女兒在看到她喜歡的超模karliekloss還是绽放出最燦爛的笑容。」
(蘋果日報)
世界盃開始咗半個月，16強都踢咗一半，向來都係波牛嘅梁漢文（Edmond）噚日話今屆世界盃都未出過去睇波，點知一睇就出事……
Edmond喺前日凌晨3點左右，喺社交網貼咗張住院相，額頭貼住大大塊紗布，表情有啲傷感，佢留言：「突然心血來潮打俾我兄弟問佢係邊，佢咁啱喺卡拉OK，當時我的感覺直情係緣份到了，可以一齊睇波、點知意外就係意外，冇得解釋，竟然可以一邊唱住人哋想我唱嘅《一世一次戀愛》、個頭直接撞落枱角，流血不止，經過一大輪嘅討論，我決定聽朝做一個大手術，所以我之後會好靚仔good nite，大家不用擔心。」
有傳媒打俾Edmond慰問，佢話：「其實同寫嗰啲字一樣，出去睇波，到半場時，朋友想我唱首歌聽，唱咗幾句，原來前邊有一級，咁就仆咗埋去，照咗腦無乜事，但今朝要做手術。」點解話做嘅係大手術？佢解釋：「因為個傷口好深，唔係話撼一撼，喺個額頭度都有好幾寸，詳細唔識形容，我都唔知呀，等醫生搞！」
做完手術神情有啲呆滯
昨日下午完成手術，向傳媒交代傷勢，佢話縫咗37針，傷口長度就7cm，深度見骨。梁炳又話，要做嘅嘢都做晒，o依家等傷口復原：「o依家等埋單同出去食嘢，都好肚餓。放心啦！多謝大家關心。」之後仲講笑話啱啱出院，鬼打無咁精神，照舊頂頭槌都得，13號會照飛去俄羅斯睇世界盃。
（apple daily）
