鄧梓峰、王賢誌、陳志雲、顧紀筠、陳浚霆、何麗全及王喜等，噚晚去咗顧紀筠屋企食嘢兼聚舊，嘆足5粒鐘，王賢誌喺微博稱之前就職東華主席，晚宴上太多好友到場，但太少時間相聚，估唔到「招呼不周卻換來另一次口福」，噚日同一班老友邊傾邊飲邊笑邊食，大家再慶祝一次。
劉曉彤婚後息影多年，早前已講明冇乜戲癮，好投入做全職媽咪，專心相夫教子，之不過劉曉彤同圈中朋友感情不變，喺合照中見佢蹺實老友王喜，鄧梓峰亦喺微博寫道：「飯局由7pm食到12am，個個都係talk得之人！大把嘢講，大把嘢聽！」
鄧梓峰又指大家一年難得一聚。
(蘋果日報)
戀事比工作嚟得精采嘅崔建邦（Amigo），喺16年初同林珊珊嘅細女李怡（野人）撻著，雖然佢哋拍拖嘅日子唔係好耐，不過已經有傳話崔建邦做番有腳雀仔，願意停低落嚟同野人結婚，但係最終呢段情玩完，舊年年尾宣佈手已分。
查實嗰陣有傳Amigo同野人分手後，火速撻著ViuTV文青女神李靖筠（Gladys），不過Gladys事後回覆《蘋果》就話：「唔係事實呀，我同佢本身唔太熟，我都唔知點解會傳咗件咁嘅事。」日前有周刊報道話陳雅倫經好友林國斌介紹，同崔建邦撻著，喺陳雅倫生日會，兩個人成晚攬住滿場飛，當其他人透明，不過陳雅倫當然否認呢件事喇。
啱呀，Amigo嘅新歡其實係另有其人，日前有《蘋果》讀者李先生，佢透過「爆相爆片」喺油麻地捕獲Amigo同新歡拍拖！
李先生話大約係夜晚8點左右，Amigo同長髮新歡現身油麻地碧街，嗰陣佢哋兩個等過馬路，長髮新歡嗰個袋拎咗一包糖同崔建邦一齊食，之後佢就蹺住男友隻手，佢仲話：「嗰陣佢哋去咗去廣東道一間賣咖喱嘅餐廳，雖然佢哋只係得兩個人，不過都外賣幾袋食物，全部都係崔建邦一個人拎晒，嗰個長髮女仔蹺住佢，一齊行咗去露天停車場拎車。」
最後崔建邦先讓長髮新歡上車，自己再去用八達通繳費，最後先揸車走人。
(蘋果日報)
全球近視患病率在2010年估計將達三分一，嚴重近視甚至會增加眼疾風險。香港理工大學眼科視光學院林小燕教授、杜嗣河教授成功發明有效控制近視加深的「多區正向光學離焦」(DIMS)眼鏡鏡片，在瑞士日內瓦舉行的「第四十六屆國際發明展」勇奪得全場總冠軍。
當眼球變長，光線被投射在視網膜前，便會出現近視。佩戴正鏡時影像會聚焦在視網膜較前方，減慢眼球變長的速度，從而阻止近視加深。該研究進行過為期兩年的臨床實驗，160名8至13歲、近視度數為100至500的兒童分為兩組，佩戴DIMS鏡片的兒童與戴單焦鏡片的兒童相比，近視度數及眼軸長度分別減慢59%及60%，而且治療組有21.5%兒童的近視沒有加深，對照組只有7.4%。
DIMS眼鏡鏡片的巧思為多區域微透鏡設計，中心區域9毫米直徑範圍為正常鏡片，其他區域即有近視離焦功能，佩戴者可以減慢眼球變長的速度，同時能有清晰的視野，動靜活動皆宜。林小燕教授表示，DIMS眼鏡鏡片未見對眼睛造成任何副作用，未來目標是研發DIMS眼鏡鏡片預防近視的可能性。杜嗣河教授指光學離焦不只適用於8至13歲的年齡層，其他年齡層的人亦可佩戴DIMS眼鏡。 
DIMS眼鏡片預計會在今年暑假推出香港及內地市場，售價未定。
（on.cc）
天王郭富城（城城）嘅太太方媛自誕下千金Chant後，一直相夫教女，早前仲講過話不設防全力追仔為郭家繼後香燈，難怪城城會錫到佢燶。
而今日正正就係城城同方媛自嘅結婚周年紀念日，雖然唔知佢哋會點慶祝，不過方媛就喺社交網度晒咗兩張疑似浴室嘅相出嚟，有網民就話依個機艙咁豪華到底係邊間航空公司之外，仲祝佢哋結婚周年快樂！方媛之後又留言：「good night」不過相中就唔見城城喎，唔知城城係咪準備緊啲咩驚喜畀方媛呢？
依個機艙真係超豪華呀！
（on.cc）
「生煎皇」蕭潤邦同江若琳（Elanne）自公開戀情以來一直都甜甜蜜蜜，時不時都會喺社交網站放下閃，吸咗唔少Like，早前佢哋更宣佈喺12月23號結婚～仲有八個月左右就完成其中一件人生大事！
原來除咗呢件喜事，仲有另一件喜事，恭喜哂江若琳呀！
Oscar早前打本逾百萬為未婚妻江若琳開麵館，新店將於本月底開張，現正試業階段，兩人親自落店幫手，期間老闆娘Elanne大顯功架，教Oscar沖黑糖珍珠奶茶，又即場示範拉茶，Oscar亦有試沖奶茶，但一度手腳論盡，搞到Elanne笑他都是煎番生煎包好過，但她仍大讚奶茶好味道，笑言因為本身茶靚，不關他沖茶手法。
之後兩人煙軔同食一碗招牌麵，同啜一條麵，恩愛程度爆晒燈！Elanne又落手落腳推銷派傳單，引來街坊幫襯，其後她更到Oscar的生煎包店踩場，囂張對Oscar手指指，Oscar即以葉問手勢迎戰，兩人搞笑大耍花槍！
潮裝中國飲食文化
對於首次榮升老闆娘，Elanne坦言心情興奮，但亦大壓力，店鋪無論裝修、枱櫈、食物通通都有畀意見，見到試業反應熱烈，她多謝街坊支持，亦為自己打了枝強心針。問首次做生意最難是甚麼？她坦言自己好幸福，因為有Oscar這個大軍師：「所以唔會好似乜都唔識咁，佢會幫我搞掂。」
問為何會有開麵館的計劃？Oscar表示：「啲人叫佢做『生煎皇后』，慢慢就構思點解唔得呢？但生煎包冇得分男同女，只可將菜種變化，我好愛中菜，所以就想用新潮、摩登啲嘅想法去做傳統嘅嘢。」
道理多講足四粒鐘
講到兩鋪在同一條街，問可會爭生意搶客？兩人一開始先笑言要鍊過，之後Elanne才坦言：「其實我哋兩間鋪頭嘢食同風格好唔同，啲人可以街頭食完生煎包，再嚟街尾食麵。」Oscar亦謂：「呢條街好集中，我哋同街坊、唔同鋪嘅老闆係好似friend咁，好良性競爭。」
對於踩過界進軍飲食業，問Elanne是為將來不做幕前舖路？她表示：「唔會，我今朝仲拍劇拍到6點，我好感激佢，佢知我係個停唔到落嚟嘅人，佢問過我有冇諗過10年後會做啲咩，如果冇戲拍演藝事業係咪就冇咗，就會乜都冇，所以不如試吓孕育另一個生命。」Oscar亦補充：「人唔同階段都會唔同，依家想有啲嘢係可以自己捉摸到。」
講到此店是兩人的首個「BB」，Oscar表示：「都真係算，因為有好多嘢係我哋意見，呢間鋪亦係我哋結婚前奏，因為我哋結婚都有好多意見。（有冇試過為開店有拗撬？）有，但好快平息。」
Elanne即踢爆Oscar會講大條道理來說服她：「千祈唔好得罪佢，佢會捉住同你講四個鐘道理，好似訓導老師咁。」講到要打理生意，可會沒時間處理結婚事宜？他們表示距離結婚還有段時間，亦有很多朋友幫忙，所以暫時未緊張。
(on.cc東網)
正所謂三個女人一個墟，同閨密聚會一定雞啄唔斷！三位「美魔女」仲以黑超姊妹裝示人，影合照時佢哋仲表情多多，又向佢獻吻，睇得出佢哋感情非常好！佢之後上載合照，留言話：「我愛的人！愛我的人！今天快樂！天天快樂 ！」
呢日藝人陳法蓉就相約已經息影好友黎美嫻同蔡少芬出嚟聚一聚，三位「美魔女」仲以黑超姊妹裝示人，影合照時佢哋仲表情多多，陳法蓉同蔡少芬又向黎美嫻獻吻，睇得出佢哋感情非常好！
陳法蓉喺微博上載合照，留言話：「我愛的人！愛我的人！今天快樂！天天快樂 ！」
網友除咗大讚佢哋凍齡之外，仲話好掛住已經退出幕前好耐嘅黎美嫻：「能偶爾看到美嫻姐就覺得幸福了。」
(on.cc東網)
自認恨攞獎的毛舜筠（毛姐）守得雲開見月明，憑電影《黃金花》首度獲封金像獎「最佳女主角」，加上她亦獲得導演會頒發影后，榮獲雙料影后的她，令入行40年的演藝生涯更為圓滿。
《黃金花》電影照
據周刊報道，毛姐明年家有喜事，快將榮升做外母，可謂雙喜臨門。
兩個女兒
據知大女區令山今年初已答應拍拖4年的男友Andrew求婚，明年才舉行婚事，未來女婿Andrew一早已過毛姐關，更獲邀與區家同遊日本。
毛舜筠一家四口
（singtao）
藝人鍾嘉欣上個月公開承認懷有第二胎三個月，一直在加拿大安心養胎等候小生命來臨的她，今日透過社交網做直播與粉絲見面。
見她穿上綠色長褸坐在梳化上，身形明顯依然纖瘦，臉尖尖相當容光煥發，腳踏高跟鞋的她不經意地展露出一雙白滑長腿，果然得天獨厚，不過長褸遮擋下未見肚子。
不少網民大讚她是最美麗的媽媽。
早前，鍾嘉欣曾透露懷第二胎期間「害喜」厲害，不時出現嘔吐，但見她視頻上精神奕奕，兼神采飛揚，粉絲們都叫放心晒。
(on.cc東網)
Stephy最近演藝事業更上一層樓，仲有份提名今屆香港金像獎最佳女主角添！雖然最後拎唔到，但贏咗個男友返嚟！？咁舊愛方力申咪凍過水咯？
今屆金像獎（圖片來源：hk01）
方力申日前公開活動上叫佢努力加油，Stephy喺公開場合答佢：「會，都係保持個初心，因為自己真係好鍾意做戲，咁樣就有動力，有目標，再接再厲，希望有好劇本同好角色！」
電影《起底組》今晚舉行煞科宴，有份演出嘅游學修、鄧麗欣（Stephy）同林耀聲等都有現身。游學修坦言一知道可以同Stephy合作好開心：「仲以為係演情侶，不過原來自己只係幫手查案嘅宅男，同Stephy都有對手戲嘅，但主要係以林耀聲為主，我哋一齊誓死追隨鄧月平。」
問游學條係咪好鍾意Stephy？佢話：「係呀，不嬲都好鍾意Stephy，佢都知我鍾意佢，佢人又靚。」提到佢哋兩個都係單身，咁游學修會唔會追Stephy？游學修笑言：「你又知我冇拖拍？」咁問夠唔夠膽追先？游學修就好大口氣回答：「我梗係追佢啦！Stephy喺心目中嚟講，係香港嘅女神！」佢仲話自己係Stephy嘅fans，講得出對方啲歌名。
游學修
游學修仲話，喺合作完呢套戲後，有私下邀請Stephy幫佢客串一個佢搞嘅電視劇，點知Stephy二話不說就應承，游學修話收到Stephy回覆自己短訊時，覺得好開心興奮，估唔到自己竟然獲得女神親自回覆。
（Apple Daily）
昨日她公開多張與老公的婚紗照，公開的照片中兩人都展現幸福笑容，認真甜蜜！但男方表示父母十分反對他結婚，叫他好好再想想，更表示會斷絕父子關係，情況很嚴重，但他指無論父母反對與否，他都會與她結婚。。。
韓國41歲女星咸素媛曾是韓國小姐出身，其後到內地發展，她曾自爆與富二代男友分手時，獲對方送贈約3,000萬港元的豪宅，早前更自爆與比她年輕18歲的內地網紅陳華相戀，兩人拍拖7個月，已於2月在內地及韓國註冊結婚，咸素媛更透露將會在中、韓兩地舉行婚禮，母子戀修成正果，引起極大關注。
據悉她23歲的老公家中從事大規模農場事業，亦算是一名富二代，昨日咸素媛向媒體公開多張與老公的婚紗照，並接受節目採訪。
公開的照片中咸素媛除了穿上婚紗，更有與老公穿上韓服拍攝，兩人展現幸福笑容，更擺出咀嘴及Back Hug的甫士，咸素媛受訪時表示與老公已成為合法夫妻，會幸福地生活下去，望大眾多多支持，而婚禮的日子則仍未決定。
而他們拍攝婚照當日亦有接受節目訪問，咸素媛指老公不是非常有錢，只是家中有很大的農場，陳華亦表示自己並非有錢仔，婚後會將錢全交給老婆管理，老婆會給他每月約7,500港元的零用錢。問到家人對於他們結婚的反應時，咸素媛表示其母僅講了一句「夠了」。
至於陳華的家人，他表示父母十分反對他結婚，叫他好好再想想，更表示會斷絕父子關係，情況很嚴重，但他指無論父母反對與否，他都會與咸素媛結婚。
(on.cc東網)
