去年10月第二度離婚後，11月就被爆戀上年輕24載的女演員飯村貴子，二人更曾上電視節目大晒恩愛，又常晒咀嘴照，被嘲諷肉麻。
石田一成昨午出席活動，親口公佈婚訊跟19歲嫩妻飯村貴子下周一（9日）註冊，大晒婚戒同時，更一臉幸福透露飯村貴子現已懷孕3至4個月，原來真的是奉子成婚！
（網上圖片）
其實石田早已當爸，跟第一任太太育有一子，今次再當爸依然興奮。
恭喜雙喜臨門呀！
(singtao)
【嚴重貧血長期低燒】紅爆港星突送醫院全面治療檢查
原定今、明兩天在與隊友出席粉絲簽名會及直播，但所屬的事務所今早發聲明指他因健康問題不會出席這兩天的活動，又指藝人需要時間休養，會以其健康為優先，對於他突然缺席活動，希望粉絲們諒解。事務所又指如有追加行程的變動，稍後會再作通知。
韓國男團GOT7的香港成員Jackson（王嘉爾）Jackson以導師身份演出的內地選秀節目《偶像練習生》於昨日播出最後一集，Jackson因身體抱恙缺席，據悉他綵排節目時已持續發高燒，直播前在後台暈倒，最終由救護車送院，網上更瘋傳他暈倒被抬走的照片及短片，令粉絲十分擔心，有指他因嚴重貧血，加上缺鉀缺鈉及長期低燒，體力嚴重透支而暈倒，昨晚要留院觀察。
Jackson年初少有回港給父親驚喜慶生，大唱生日歌，除生日蛋糕和開香檳外，還為父親戴上名錶作為生日禮物，爆紅都不忘父母恩，非常孝順！
事後Jackson內地工作室在微博發文說：「因勞累過度而體力不支，目前本人已在醫院接受了治療和全面檢查，現在已經休息，請大家安心。」
早前相隔十年再回港過新年，終於可以同父母食團年飯！
獲香港旅遊發展局委任為「香港旅遊推廣官」
Jackson的內地工作室昨日發文指他過累而暈倒。
(on.cc)
【網民話正爆！】《愛‧回家之開心速遞》又有新成員！
《愛‧回家之開心速遞》收視節節上升，還有不少新角色陸續加入，最近有新成員楊秀惠！
最近為5月的紅館演唱會而四出宣傳，繼早前以客席主持身分現身無綫《東張西望》，日前古巨基更亂入《愛‧回家之開心速遞》，難道古巨基這次是回巢拍劇，客串演出《 開心速遞》？
單立文今日在Instagram分享他跟呂慧儀、劉丹等劇中演員跟古巨基在廠內的大合照，並留言︰「古巨基亂入愛回家！搞邊科呀？#愛回家之開心速遞 #其實亂入真係冇罪嘅 #人不selfie枉少年」
消息一發佈，網民都話「正呀！」
(mingpao)
【仲教啲fans早餐要食…】47歲黎姿同13年前一樣咁靚~
仲有忠實fans搵番黎姿2005年拍《妙手仁心III》嘅劇照，有一幕係講黎姿做瑜伽。。。
47歲「經典愛美神」黎姿早前為爸爸黎柱開山水畫展，之後佢暫且放低美容生意，參加一個排毒之旅，去咗外地relax下，之前已喺微博晒過靚玉背相，睇到fans嘩嘩聲，又提啲fans，早餐要食得有營養，先可以開啟身體機能，整天充滿活力。
黎姿剛才喺微博貼出做瑜伽，由導師指導下，做出雙手按地、抬右腳向上嘅動作，留言：「運動、流汗，是最好的減壓治療法！」
唔少網民都好佩服黎姿嘅柔韌度，更讚佢有恆心去keep身型，網民回覆「保持身材真的很辛苦」、「簡直羡慕啊!動作太標準、太優美」，仲有忠實嘅fans搵番黎姿2005年拍《妙手仁心III》嘅劇照，有一幕係講黎姿做瑜伽。
睇番13年前嘅黎姿，無論o依家嘅長髮look定係以前嘅激短髮造型都俾人感覺好pure好靚，冇乜點變過。
(蘋果日報)
【閃婚4年】今日突爆離婚 粉絲大感驚訝
今日傳出與年幼8歲的意大利裔丈夫離婚，結束約4年的婚姻，叫不少粉絲大為驚訝。
現年35歲的日本歌姬宇多田光與攝影師兼電影導演紀里谷和明結束4年半婚姻後，2014年跟在倫敦一所高級酒店內任職酒保的Francesco Calliano閃電再婚，並在男方家鄉意大利舉行婚禮，翌年誕下囝囝榮升首任媽咪。據兩夫婦的相熟人士透露，指他們已在數月前分手。
宇多田光在2011年起無限期暫停活動，婚後與第二任丈夫定居倫敦，前年正式復工，為NHK晨早劇創作主題曲，又推出相隔8年的大碟，取得驕人成績，惟同年傳出她難頂另一半婚後辭去酒保工作後無所事事，復出是為離婚舖路。
宇多田光情路上屢遇波折。
（on.cc）
【本身唔諗住結婚】45歲古巨基：冇試人工受孕，不過…
古巨基感情好專一，同助手老婆陳英雪（Lorraine）愛情長跑20年，4年前喺拉斯維加斯結婚，沒有愛得太遲：「佢話都冇諗過我係佢老公，我又何嘗唔係，冇諗過我老婆係咁，哈哈哈！我同古太又係工作夥伴又係心靈夥伴，每次演出我都有小習慣，出場前必需見到佢，我就會好踏實，佢要捉實我隻手講good show。」
會決定結婚，全因Lorraine一次踩單車意外，令基仔改變不婚計劃：「因身邊朋友冇婚姻關係，其中一個要做手術，唔可以代佢簽紙，令我諗法改觀，唔好結得太遲！結婚之後唔係淨係得工作，好坦白講喺工作同生活上多咗平衡，唔好以為我冇出現，梗係飛咗去做嘢，其實我可能係同老婆拍吓拖，有時幾矛盾，好多朋友都話快啲造人，咁造人其實唔可以咁密集工作，唔可以咁攰，所以我嘅產量放緩咗。」
結婚快4年，45歲基仔期待做爸爸：「我哋都鍾意小朋友，但明白呢件事唔可以有壓力運作。」有冇嘗試人工受孕？基仔坦言：「冇吖，不過有好多介紹例如食療調理身體，中藥嗰啲，暫時仲係二人世界。」
(蘋果日報)
【最新受害者】肥媽啱啱去咗報警備案
真係可以話係層出不窮，有晒相都未必真係當事人經營，肥媽瑪利亞（Maria Cordero）就係最新嘅受害者…
喺facebook上面就有個名為「肥媽私伙菜」嘅專頁，估計只係運作咗未夠一星期，但就貼咗好多肥媽嘅相，包括佢上節目、去街市買嘢同煮餸、出席活動嘅相，但同時呢個專頁又推銷好多廚具，仲話係韓國進口，聲稱係「肥媽fans團」開團購。
喺facebook有專頁盜用咗肥媽肖像銷售廚具。
肥媽今日喺facebook都有澄清，呢個「肥媽私伙菜」專頁同佢無關，係盜用咗佢嘅相去宣傳，保留追究權利，今日肥媽回應傳媒查詢時都話莫名其妙：「我好想向大家呼籲，我係肥媽，有個網站叫肥媽私房菜又賣刀又介紹人買魚蛋買嘢，同埋好多佢啲相係我Instagram、facebook，download我啲相，我唔識佢哋，亦唔知佢哋係邊個。啲嘢唔係我賣嘅，我冇用過。」
（資料圖片）
肥媽話已經通知咗facebook，啱啱去咗跑馬地警署報警備案。唔只「被代言」廚具，肥媽仲話知道有一班人自稱贊助佢玉器，呢班人借住肥媽嘅名嚟兜售玉器，肥媽話：「其實我係有一個馬來西亞玉石公司sponsor，而唔係一間自稱贊助我嘅香港公司。」
（資料圖片）
(Apple Daily)
【原來同場仲有對準新人！】明年六月結婚啦～
除咗Elanne同Oscar喺12月23號結婚，原來同場仲有另一對準新人！佢哋話明年六月就會結婚啦，仲透露埋Janice Man係伴娘～恭喜恭喜！問到怕唔怕婚禮畀JM搶鏡？準新娘就話：「唔怕，我哋唔計呢啲嘢。」真係好好姊妹！
江若琳(Elanne)同未婚夫蕭潤邦（Oscar）、仁濟前主席嚴玉麟囡囡嚴紀雯(Carmen)同未婚夫Jeffrey、陳浚霆(Andrew)、馬天佑同朱晨麗等，昨晚喺灣仔出席仁濟醫院第51屆董事局就職聯歡晚宴。
Carmen接捧擔任仁濟總理，加上籌備明年6月嘅婚禮，佢笑言忙上加忙，仲話會諗定兩個好特別嘅角色畀老友馬天佑同Andrew，Andrew即自薦做司機同司儀，而馬天佑就包辦形象同揀婚紗，Carmen話：「8月會去意大利影婚紗相，婚後一定會繼續做嘢。」
而Carmen仲透露Janice Man係伴娘，仲話希望JM都快啲嫁，到時會親手遞上花球，問到怕唔怕婚禮畀JM搶鏡？Carmen話：「唔怕，我哋唔計呢啲嘢。」Andrew仲提議姊妹全部素顏，而馬天佑就話：「靚唔過Carmen嘅，自從佢訂婚後就發出一種光芒。」
而Oscar同Elanne繼續大晒恩愛，佢哋透露12月23號嘅婚禮場地已經定咗喺紅磡嘉里酒店，仲話會擺40圍，o依家忙緊齊集兄弟姊妹，Elanne笑話：「因為男方兄弟好盛大，搞到女方有壓力，因為雙方要一樣數，佢有10幾廿個兄弟，我暫時有10個姊妹，可能搵啲男仔朋友做姊妹。好開心好多朋友見義勇為幫我哋，暫時都未有壓力。」
佢哋仲話冇因為籌備婚禮而嗌交，Oscar就話方向唔啱時就會選擇唔出聲，但身邊嘅Elanne就爆料話：「佢會用3個鐘頭講道理。」Oscar就解釋話婚後嘅日子對佢嚟講係更加重要，但一切都會以未來太太嘅喜好作準。而提到結婚當日會唔會考慮復出？Oscar笑話：「我想大家開心咁走，唔想大家咁辛苦。」
另外，朱晨麗以表演嘉賓身份現身，佢話會唱兩首歌，仲笑言自己未入行前嘅夢想係做歌手，唱卡拉OK一定會霸住支咪做咪霸。提到嚟緊開拍新劇會同偶像楊千嬅合作，朱朱就話好開心同期待，平時都鍾意睇千嬅嘅喜劇減壓，問佢怕唔怕千嬅拍攝時忍唔到笑狂NG？朱朱話：「會㗎咩？如果開心忍唔住笑，可以當係花絮，最緊要過程和諧開心。」
(蘋果日報)
【仲犀利過佗小王子嗰陣！】葉翠翠佗B六個月曬孕照
葉翠翠不知不覺間佗B已6個月，今日在社交平台分享最新一輯的大肚相，暫時只見翠翠一個，老公周曉東及囝囝周津羲未有出場，而翠翠今胎好有經驗，肥胎不肥人，還保持一個靚媽模樣，皮膚更是相當滑溜。
翠翠留言表示：「昨天影的大肚相，以美，簡單為主！好想告訴大家，懷孕都一樣可以保持得好好，只要參考我的方法，大家都可以做到！這一切都是保養得來的，沒有天生麗質這四個字，每天都非常努力嘗試新方法，再同大家分享的，長胎不長肥肉已經成了口號！
小王子仲未出場，我知道大家好想睇佢。昨天忙了一整天，小王子半夜醒左，要餵食粥仔，今天真的超級累，要休息一下。」
(明報)
【同陳智燊肉緊攬實】宋熙年冇眼睇
藝人陳智燊（Jason）同宋熙年喺2016年拉埋天窗，佢哋早幾日仲宣布就快榮升父母。雖然BB仲有一段時間先出世，但Jason已經急不及待，搵定資料學做爸爸。當Jason想問朋友有關做爸爸嘅嘢嗰陣，第一時間就諗起一個人，嗰個就係胡杏兒老公李乘德（Philip）啦！
呢日Jason晒出佢肉緊攬實Philip嘅合照，並留言指對方好樂意分享湊仔經，所以絕對係佢取經嘅首選。而相中仲有宋熙年，佢見到兩位男士攬埋一齊，都忍唔住大笑，就連Jason都話佢呢個表情係叫「冇眼睇」。
原來陳智燊同杏兒老公咁FRIEND。
陳智燊笑言自己嘅表情係冇眼睇。
(ON.CC)