藝人羅仲謙與楊怡結婚兩年，人前人後都咁Sweet，簡直羨慕死人。
呢日羅生羅太又合體晒恩愛，仲喺微博上載短片，實行閃盲大家，今日至晒仲唔係你哋！
片中所見，戴墨鏡嘅羅仲謙揸機自拍，Chok晒甫士勁型仔，鏡頭一轉就見到楊怡嘅背影，期間楊怡仲掛住吹泡泡唔理老公。
不過「愛妻號」羅仲謙當然冇嬲豬，反而冧爆咁話老婆童心未泯，大耍花槍狂放閃，之後兩人仲對住鏡頭甜笑，隔住個mon都感受到嗰種幸福呀！
(on.cc東網)
【好坦白】將接拍《尋秦記》電影版演嬴政 承認樣貌有變！
今晚喺紅磡一間酒店舉行呢個「微博之夜」，群星俾面出席，失戀不久而又疑似再戀過嘅林峯今晚拎咗個「人氣王」獎。孭住三部戲要拍嘅林峯果然係寄情工作，自言去年加入古天樂間公司之後工作非常充實，又好開心可以一齊合作：「加盟之後冇耐佢哋已經安排咗好多工作俾我，安排到2019年。」林峯又話依家拍緊劇集《PTU》，嚟緊再拍一部大陸劇，明年初又拍一部。真係好忙喎，所以講明今年應無時間錄歌出碟喇。
林峯拍《尋秦記》電影版，再演嬴政。
佢話當時係第一次拍古裝，完全唔知拍緊乜。
人大咗，佢話自己係越嚟越靚。
但相信大家最期待嘅畫面，都係電影版《尋秦記》兩師徒再重聚（趙盤同項少龍），林峯話：「劇本都寫咗幾年，但正式劇本未收到。」至於係咪做番嬴政？佢話：「如果唔係做番之前個角色……」大家明啦，即係——係囉，又話冇諗過演項少龍：「我心目中嘅項少龍得古天樂一個，我做番自己個角色先至係觀眾嘅集體回憶。其實我哋（指加埋宣萱）都係相隔十七年先至再合作，但私底下係有聯絡，所以默契更勝從前。」拿，今日大家都在討論姑姑李若彤同過兒古天樂嗰張世紀合照，um……至於林峯之前喺《尋秦記》同依家個look亦一度成為photo hunt對象。
（劇照）
依家問番林峯十七年後大家外貌變化如何？佢笑言：「越嚟越正囉！」邊個？「我囉！」又笑言《尋秦記》當年係佢第一套古裝劇，根本唔知自己演緊乜，亦唔知點演。今日應該有進步喇。咁係咪一口應承拍電影版？林峯話：「係呀，因為呢個係好多人嘅集體回憶。」又話唔係因為呢部戲而簽古天樂嘅經理人：「大家識咗好多年，合作好舒服，思維都好接近，同埋做到我自己想做嘅嘢。」
古天樂
(蘋果日報)
【意外有喜】老公興奮到已經幫BB揀定小學：我未宣布佢就已經…
佢透露第一胎其實都係意外，又踢爆老公原來一直向朋友宣揚一個夠晒數的好處，但獲知太太意外佗仔後，竟興奮至失控四處報喜，並開始為腹中兒子選小學。依家懷孕五個幾月。。。
現年40歲的蔣怡與珠寶設計師老公翁狄森育有現年4歲的囡囡翁容，翁容的出世已是一個意外，蔣怡說：「一直以來，翁生唔止自己實牙實齒話唔會再生，仲好似傳教咁說服啲朋友，佢會話做過調查和研究，事實證明一個小朋友係好啲，同父母關係好啲，父母會長命百歲全家幸福，同朋友可以講足三個鐘。有次佢同朋友坐港鐵講足全程，返嚟同我講，話今日成功說服到一個朋友喇！點知依家自打嘴巴，佢話要打畀朋友逐個道歉。」
興奮感爆發
蔣怡與翁狄森拍拖十多年，結婚5年，她完全了解老公個性，她自己也是獨生女，很明白獨生女沒有兄弟姐妹會有所缺失，當老公知道將有第二個BB來臨，再做爸爸的興奮突然爆發：「佢開心到失去理智，去朋友派對，我未宣布，佢見到朋友就宣布我佗仔，我成日叫佢控制吓自己！我哋拍吓拖，佢竟然係去男校小學嘅開放日，啲朋友見到我哋都好驚訝。」老公現在忙於為女兒選小學，心思都放在小學上，之前只看男女校或女校，現在則順便抽空看男校。
見食譜想嘔
有身孕5個多月的蔣怡，表示今胎佗得特別辛苦，懷孕頭4個月，不單止冇胃口，甚至反胃，莫說煮食連睇食譜都想嘔，她說：「我攞住本食譜，一路睇一路想嘔，睇住本書都唔得，更何況要煮？之前幫TVB煮餸，煮完都係搵經理人試食，我擺唔落口。我係廚師，好鍾意食嘢，但突然4個月冇晒食欲，仲要拍煮嘢食節目，好大壓力！」蔣怡指曾看過一齣美劇，劇情講述女廚師不知自己懷孕，對突然被客人投訴餸菜感到莫明奇妙，現時完全感同身受。
怕老公影得鹹濕
蔣怡上胎懷孕時曾拍大膽全裸照，預告今胎會影得更大膽，不過就講明唔會由老公操刀：「上次嗰輯好隨意，冇諗過影乜嘢造型，今次可能想有啲特別主題，但一定唔會畀老公操刀。佢有影其他女仔，我成日同佢講，我咁容易影得靚，你影我靚唔係你叻喎！同埋我老公太了解我，我反而想有啲唔同角度，佢太藝術家，費事佢影得我太鹹濕，成日叫我唔好着衫。」
(on.cc東網)
【想當年 我同張國榮…】其實蔡楓華有無嬲李思捷？！
「想當年， 我同張國榮，梅艷芳，陳百強…」呢句蔡楓華經常會話當年嘅說話，可以講係由李思捷帶起，因為每次思捷扮蔡楓華嘅時候，都會將呢句無限Loop！究竟蔡楓華有冇因為咁樣而嬲咗思捷呢？而講到蔡楓華嘅經典電視劇主題曲同角色，佢就對《青春三重奏》中嘅阮文瀚情有獨鍾啦！當年蔡楓華有幾勁？即刻去片想當年啦！
要數蔡楓華嘅經典電視劇主題曲真係有排數！
《青春三重奏》中嘅阮文瀚。
件衫好型！
呢個係李思捷。
其實蔡楓華真係同張國榮陳百強好Friend㗎！
蔡楓華
呢個係真‧蔡楓華。
好青春呀！
(東方日報)
【由細靚到大！】但沈卓盈原來細細個係咁…
身為家中孻女的沈卓盈表示很多時由公公婆婆照顧，自言經常跟三家姐。。。
無綫小花沈卓盈靚女又斯文，但原來小時候的性格似足男仔，連她也笑指自己十分曳曳：「我細個一啲都唔似女仔，好男仔頭！成日周圍跑、周圍走，仲會爬高爬低。」
身為家中孻女的沈卓盈表示很多時由公公婆婆照顧，自言經常跟三家姐爭餐飽：「我哋兩個乜都爭餐飽！婆婆見我哋兩個一爭嘢就會『藤條炆豬肉』，我哋就周圍走避婆婆。」
她又指雖然經常與家姐爭嘢打交，但轉頭已經搭番膊頭，無損姊妹感情。
講到最百厭的事情，沈卓盈憶述試過爬鐵欄勁驚險：「試過有一次爬鐵欄，嗰時細細粒，點知一爬上去，我件衫畀鐵欄勾住咗，吊住喺半空！上又唔係，落又唔係，最終嗌救命，叫阿婆嚟救我。」
(on.cc東網)
【見證住…】恭喜哂胡說八道會！
「胡說八道會」嘅姊妹胡定欣、胡蓓蔚、胡杏兒、姚子羚、黃智雯和李施嬅一直以嚟都好好感情，唔少網民都好鐘意佢哋～早前佢哋仲一齊拍咗綜藝節目《胡說八道真情假期》，大獲好評！
仲話之後會有續集咁話！
藝人黃智雯（Mandy）、李施嬅、胡蓓蔚等主持的綜藝節目《胡說八道真情假期》於一個內地網站頒獎禮上獲得節目獎。
以粉紅色真空褸、中門大開出席頒獎禮的Mandy感謝觀眾對節目的支持，又話獎項見證「胡說八道會」成立六周年，李施嬅亦多謝未能出席的好姊妹胡杏兒、胡定欣及羚子羚。而身為大會司儀的胡蓓蔚表示很開心做司儀之餘，又可以攞獎。
六個人一個獎點分？施嬅提議輪流放在各人家中，胡蓓蔚即話自己平時冇乜機會攞獎：「你哋將來大把機會攞視后。」Mandy即說：「咁呢個獎歸你！」十分搞笑。
(on.cc東網)
【男神封盤】宣示主權？ 彭于晏認戀張鈞甯…
台灣男神彭于晏感情世界向來備受關注，但近日竟爆出他與台灣女星張鈞甯的「戀情」！
去年張鈞甯在微博上載彭于晏有份主演電影的換票證，二人因而傳出緋聞，近日網上更流傳彭于晏向張鈞甯告白文，指「（她）是我女朋友，也是我最想留住的幸運」，即令二人緋聞再度炒熱，雙方粉絲都大為緊張！及後有台灣傳媒向彭于晏經理人求證，對方表示：「沒有這回事，只是假新聞」。
彭于晏去年在微博上載了張鈞甯拿着自己主演的電影換票證去捧場的照片，即時傳㑁緋聞。
張鈞甯的感情生活其實多姿多彩。
(東方日報)
【開拍三大條件】梅媽：呢三個字我已經註咗冊
安樂電影公司相中阿梅的傳奇性，由去年開始籌備將阿梅的一生改編成電影《梅艷芳傳奇》，並於今年5月開拍，導演由曾執導《寒戰》的梁樂民擔任。至於阿梅的人選，經過連月來挑選，她們覺得試妝後的香港女模王丹妮（Louise）尤如阿梅的翻版，十分有阿梅神韻。
梅艷芳歌精舞勁，模特兒出身的Louise之前完全沒有接受過演藝訓練，電影公司只好為其進行地獄式訓練，昨日記者向Louise求證是否已接演《梅》片？其經理人公司Primo發言人吳小姐表示：「由於我哋同電影公司簽咗保密協議，暫時冇乜可以講。」該片導演梁樂民同樣以簽了保密協議，表示抱歉，未能透露有關細節。至於安樂公司就回應：「的確有開拍該片計劃，然而一切仍在初步籌備階段，目前未準備好作正式公佈，稍後有更多詳情時，會再通知各位傳媒朋友。」《梅》片故事將會由阿梅早年喪父，在梅媽的安排下，年僅4歲半就出來在歌舞廳賣唱養家餬口，從此與舞台結下不解緣。到19歲時參加無綫與華星舉辦的第一屆新秀歌唱大賽勝出，樂壇巨星之途由此展開。
安樂已經聯絡梅媽，希望她能擔任顧問，為影片提供資料。前日傳媒致電給梅媽，她承認已收到合約，但仍在考慮當中，梅媽表示：「電影公司想我幫《梅艷芳傳奇》做顧問畀資料，但我都開出條件，就係內容唔可以有侮辱、核突同負面嘅嘢出現，我唔係冇飯開，錢係其次，最緊要唔可以影衰我嗰女，佢答應我呢啲條件，我先會答應幫佢哋，梅艷芳三個字我已經註咗冊。」
（Apple Daily）
【有囡萬事足！】廿四孝老竇晒生活照 網民：做佢個女真係好…
內地藝人陳赫係圈中出名嘅好爸爸，佢一有時間就會留喺屋企照顧囡囡，仲不時上載佢哋嘅生活點滴上社交網。
呢日陳赫就甫出一張喺屋企瞓覺嘅相，睇落好似冇咩特別，但原來囡囡一直喺側邊不停騷擾佢，一時走去摸佢塊面，一時就想除佢對襪，最後仲出埋武器、用除塵轆幫爸爸清潔，真係非常可愛！唔知陳赫係咪已經習慣咗，佢一於少理，繼續瞓、由得囡囡大玩特玩。
另外，同樣係廿四孝老竇嘅鄧超，呢日就幫囡囡「小花」紮辮，佢唔止喺社交網分享自己嘅傑作，仲留言：「小花妹妹說爸爸梳的辮子是世界上最好看的。」
鄧超上載幫囡囡「小花」紮辮嘅相。
幫爸爸除塵！
鄧超（資料圖片）
似乎有模有樣喎。
想除爸爸對襪仔，真係多諗頭喇。
陳赫喺屋企瞓覺時，囡囡不停騷擾佢。
陳赫（資料圖片）
(東方日報)
【突發情況做手術】緊急入院：否則會有生命危險
喺2008年證實患有心臟二尖瓣膜脫垂症以及閉鎖不全等症狀，曾一度停工休養，今日突然PO咗兩張相令粉絲好擔心，不過佢就話係因為突發狀況需要入院做個手術，如果唔係就會有生命危險。。。
台灣女星安以軒最近憑內地劇集《獨孤天下》人氣急升，佢今日突然喺微博上載兩張醫院相，相中見佢插住喉瞓喺病床上面，非常令人擔心。佢喺留言度報平安，佢話：「因為醫生大人說這個突發的狀況需緊急優先處理，否則會有生命危險，所以必須做一個『小手術』。」
佢仲提到本身冇打算公開做手術嘅事，但因為影響到工作，所以先同大家交代。最後，佢表示自己已無大礙，並有屋企人照顧，叫大家放心。
其實安以軒喺2008年證實患有心臟二尖瓣膜脫垂症以及閉鎖不全等症狀，曾一度停工休養，復工後更有傳喺拍攝劇集時病發，好彩及時治理並無大礙。
(on.cc東網)