早前網上流傳王祖藍與T.V. Carpio（梅天悅）的合唱片段，T.V. Carpio的歌聲驚為天人，遺傳了母親Teresa Carpio（杜麗莎）的巨肺和靚歌喉。T.V. Carpio有個香港樂壇殿堂級女歌手母親，比很多年輕人幸褔，「贏在起跑線」，出身音樂世家的她，但不靠家蔭，靠自己實力闖世界，年輕時已跟父親在紐約居住及成長，長大後在美國做演藝工作，拍廣告、劇集，甚至在百老匯歌劇演出。
T.V. Carpio早前接受訪問，歌精舞藝強樣樣掂，她用小時候穿過的衣服，從新做衫來影相，亦曾為母親杜麗莎的演唱會設計歌衫、小時候已踏上紅館台板兩母女合唱。而她的成就，杜麗莎也為女兒驕傲，T.V. Carpio憶述有次演出後母親的反應：「當大家企喺台上鞠躬謝幕，媽咪突然衝上台前，喊住同觀眾講：She is my baby，she is my baby。」
年輕人常感慨沒錢買樓，T.V. Carpio也有同樣願望：「想養番媽咪，以前佢住廣播道，佢話第一次買樓係14歲，買俾佢父母。點解我幫唔到媽咪買樓，我係想嘅，佢話o依家時代唔同，但我係想，回報番俾佢，賺多啲錢俾媽咪買樓。」性格爽朗的她說到此時不斷流淚。
在T.V. Carpio眼中，母親工作嚴謹又認真，對自己甚多要求，兩母女試過兩年不說話，甚至分開住，年輕人總有反叛的時候：「我唔會駁咀，但冇同佢一齊住，揀同爸爸喺紐約住，我同媽咪好close，性格都幾似，有時太似會磨擦，我會尊重媽咪唔會講廢話。但係我媽咪性格，你唔同意佢就覺得你唔尊重佢。佢想我聽佢話，由佢嘅經驗話我知，但我知我自己要有好多失敗才會習慣，咁先唔驚，唔驚人話你做得好定唔好。試鏡唔容易，人哋拒絕你，可以話唔夠靚、唔夠叻、唔夠唱，太矮、太肥，每次都係咁，入呢行想搵份工已經難，但因為呢個原因，我先去美國，因為喺香港，個個會話因為媽咪係明星，因為媽咪先有呢個機會，起碼喺美國我所做的都因為我自己，係自己努力得來的。」
經常被外人和母親讚唱歌好，但T.V. Carpio以前怕與母親合唱：「好緊張，壓力好大，總係覺得未準備好，點解仲可以上台唱，有權可以一齊唱，睇番舊片段會尷尬，但o依家好享受合唱，想有多啲回憶。」
工作上有時都會碰釘，會氣餒，T.V. Carpio自言曾想離開演藝界，都靠杜麗莎的鼓勵：「好多時我想quit唔想做，我唔夠好，好似冇進步、冇行前，做咗百老匯但why so struggle，但媽咪會話：no!you have to keep going，佢好支持我，俾好多信心。」
從小杜麗莎就灌輸要認真的性格，T.V. Carpio笑言以前曾以為媽咪不想自己快樂：「媽咪覺得喺美國做亞洲人，唔可以求其。成日話做人唔可以太relax、太舒服，學唱歌、畫畫學語言就任我做，但唔會俾好多機會我出去玩。之前想同一個朋友合作，但意見唔同，我話好唔開心，媽咪話唔好理佢，佢話T.V.你係artist，artist係冇朋友。」
(蘋果日報)
